Gudench Barblan
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Gudench Barblan (anca ciamaa Gaudenz) (* 24 Sgenee 1860 a Vnà; † 5 Utuber 1916 a Scuol) l'è staa un maester de scöra Bass Engadines, püblegadur e culessiunista de toch de cultüra engadines cumpagn de la recujüda di scumagn di svariaa paes e paesit engadines. Gran fama in de l'intrega Sgüissera l'ha utegnüda cunt la cansun Chara lingua da la mamma.
Vida e Laur
[Modifega | modifica 'l sorgent]L'era 'l fiö del Jon Barblan e de la Anna, née Thun. La scöra elementara lü l'eva fada a Ramosch, menter la Matüra l'eva utegnüda a Scöra Cantunala Grisunesa a Cuira. Del 1880 al 1898 l'ha lauraa 'l Barblan in Bass Engadina cuma maester de scöra, i prim düü agn a Vnà, e pö, püssee tard, a Ftan.
In de l'an 1886 l'è devegnüü prufessur in de la nöa scöra süperiura bass'engadinesa a Sent.
Düranta 'l scur de la sua vita 'l Barblan l'ha scrivüü svariaa test sculastegh in Rumanc e 'l s'è crussiaa de culessiunà e püblegà tanc toch literari sura la cultüra e l'istoria de la sua patria engadinesa.