Và al contegnud

Giovanni Capis

De Wikipedia
Lumbard ucidental Quest articol chì l'è scrivuu in lombard, grafia milanesa.
Collezione delle migliori opere in dialetto milanese - G. Capis

El Giovanni Capis (Domm, XVI secol - mort in del XVII secol) a l'è staa on giurista e storegh lombard, autor de vun di test pussee antigh de la letteradura milanesa.

Vita[Modifega | modifica 'l sorgent]

Nassuu de 'na fameja ossolana, l'era el fioeu del Matteo Capis. El gh'ha 'vuu duu fioeu: Giovanni Matteo (1617-1691) e Francesco. L'ha studiaa legg a Pavia, e l'è staa lilinscì che l'ha scrivuu el Varon Milanes, che l'è 'l primm dizionari etimologegh del lombard.
Poeu l'è tornaa su a Domm, e lilinscì l'ha lavoraa 'me giureconsult. El gh'ha 'vuu anca di incaregh a Milan al temp de la pesta. L'ha scrivuu anca ona storia de Domm (publicaa in del 1673 del sò fioeu Giovann), che l'è consideraa vun di test pussee vegg de la storiografia ossolana.

Varon Milanes- G. Capis

Oeuver[Modifega | modifica 'l sorgent]

  • Varon Milanes, Milan, 1606
  • Memorie della corte di Mattarella O sia del Borgo di Duomo d'Ossola et sua giurisdizione, Milan, 1673

ÎÎ Pur mò Prissian fa on gran bel bott
     A mostravv Milanes spuaa spuisc:
     Ma Mi n’incagharè a l’ajaa e i ravisc
     E anch al meud ch’ò biù da quatà l’biott:
Se nogh fass mò d’intorna pù naghott,
     E ch’el testò n’avess noma on sol lisc,
     Credii ch’ai me diravv, vit là quel risc
     Che se faa int on borlon con quater mott?
Ai me bolgetaraven la in verzee
     Infrisà de buvij de sciarvelà,
     Co i rav, i remolaz, e ’l ben de dee.
Ona cova de golp à i spal zachà
     Me metarà i toson, co i rasg a dree,
     Criand: A le chi lò l’incoronà.
               Vardè on poo che canà.
     Se me trovass a dree simel covascia,
     Quand em credess da ess on neuv Bocascia?
               Ma par fenì mò l’ascia

...

Varon Milanes

Interprogèt[Modifega | modifica 'l sorgent]


Riferimènt[Modifega | modifica 'l sorgent]