Gamba de legn

Quest articol chì l'è scrivuu in lombard, grafia milanesa.

Gamba de legn a l'è la scormagna dada ai primm tram interurban a vapor che andaven in sui tramvij de Milan in tra i ultim agn del 1800 e i primm del 1900.

Storia

In tra el 1878 e 'l 1880 in Lombardia derven on poo de tramvij a trazion meccanega inveci che a cavall, comé la tranvia Milan-Vaver o la Milan-Saronn-Tradaa. Cont el slargàss de la red finna a Galaraa, Monscia, Pavia e Lod i gamba de legn in servizzi riven a pussee de 150 a la fin del secol quell de 19. El devegn donca vun di simboi de la provincia milanesa finna a la nassita di tramvij elettrificaa.

L'ultima tranvia a vapor meneghina a l'è stada la tranvia Milan-Magenta, tajada poeu finna a Vittuon, che l'ha faa l'ultima corsa el 31 de agost del 1957, e l'ultima in total la tranvia Monscia-Trezz-Berghem, sarada el 28 de giugn del 1958. I treni di 'sti lign i eren ciamaa anca Sgich.

Al di d'incoeu hinn espognuu di gamba de legn: Vun al Musee Leonardo da Vinci e vun in la piazza de Settim.

Origin del termin

La teoria pussee probabil a l'è che el termen el deriva de l'andatura assee incerta del tram, donca arenta a quella de 'n omm senza 'na gamba.

Di alter teorij a hinn ligaa a on dependent di tramvij cont ona gamba de legn, impiegaa per gestì i scambi, ma hinn staa mai provaa.

Riferiment

Alter progett

Wikimedia Commons el gh'ha dent imagin o alter archivi su Gamba de legn