Foss bergamasc

Quell articol qì l'è scrivud in Lombard, cond l'ortografia Scriver Lombard.

Ol Foss bergamasc l'è un canal artifiçal qe al corr ind la pianura bergamasca, de orijen tard medievala, qe al collega l'Ada a'l Sère e, despò, a l'Oi.

I do zone de la Bassa Bergamasca a sud del so correr i è ciamade Giera d'Ada e Calciana.

Con l'Ada al segnava ol confin natural intra ol Ducad de Milan in Giera d'Ada e la Republica de Venezia; incœ long ol so percors i g'è anc'mò tants castei de frontera come qell de Brignan, Castell Rozon, Castell Litegg e de Pagazan; g'è anc dei cartei qe i regorda l'antig confin.

Ind el cremasc al toca adoma ol comun de Castell Gabian e in plu ponts al segna ol confin intra i singoi comun de la Bassa Bergamasca.

« ...Antichissimo è il Fosso denominato Bergamasco, quale divide il territorio di Bergamo dalla Gera d'Adda e dal Cremonese, Stato di Milano, che sorge dal fiume Oglio e si scarica nell'Adda. Non v'è memoria precisa della sua costruzione; una cosa è certa: per evitare infiniti giri del mondo, questa linea doveva lambire il confine di ogni comune e terreni adiacenti passando da un fiume all'altro nei punti con minore tortuosità... »

« ...Prope antig l'è ol Foss ciamad Bergamasc, qe al divid ol territore de Bergem da la Giera d'Ada e dal Cremones, Stat de Milan, qe al nass de l'Oi e al va ind l'Ada. G'è miga una memoria precisa de la so costruzion; vun lavor l'è segur: per evitar infinids jir del mond qesta linea la g'hiva de lapar ol confin de ogne comun e dei terre vexine co'l passar da un fiœm a l'olter ind i ponts con men tortuositaa... »

Francesco Savioni, 1720

Storia

Ind el 1267 Bergem e Cremona i s'è metide decorde per la costruzion de una linea de confin, a spese de la prima. I bergamasc però i era jamò dree a lavorar dal 1263.

Costruzion

L'è stait dovrad, indove possibel, ol traçad dei canai qe i g'era jamò. Per esempe, intra S. Maria (ind i bande de Cov) e ol Sere, l'è stait inglobad un toc de un vegg canal de bonifega roman.

Qesto, insema a la longa durada del lavorar (ind un periode de lote intra i comun per ol possess di center minor) al pœl vesser ol motiv del traçad miga regolar del Foss.

Galleria d'imajin

Bibliografia

Graziella Colmuto Zanella, Flavio Conti, a cura, Castra Bergomensia - Bergamo, Monumenta Bergomensia LXXI, 2004.
Linee difensive e fortificazioni - Sit de la Provinça de Bergem.

Olter projets

Wikimedia Commons al gh'ha dent roba culegada a: Foss bergamasc.