Ferrovia Resg-Borret
|
Quest articol chì l'è scrivud in lombard, con la Noeuva Ortografia Lombarda |
La ferrovia Resg-Borret (in italian ferrovia Reggio Emilia-Boretto) a l'è stada una ferrovia in concession di Ferrovie resgiane che la conligava Resg a Borret, comun de la riva drizza del Pò, a passà per Santa Cros, Sess, Cà del Bosch de Sora, Cà del Bosch de Sota e Povij.
La se incrosava con la ferrovia Parma-Suzzara, la ferrovia Sassoeul-Resg e la ferrovia Resg-Cian. Pensada sgiamò vers la fin del 1880, gh'è volud un bell poo de temp per scernì el capolinia, in tra Borret e Brescell, perchè eren dree a fà su un port de fium in la zona, e l'è inaugurada el 30 de otover 1926 cont un treno con su el premier de l'epoca Benito Mussolini, che 'l se ferma a Cà del Bosch de Sota, a mità del trasciad, per una celebrazzion ofizzial, ma la taca a fonzionà de bon l'ann despoeu, operad del CCPL. A l'è stada doperada per men de trent'agn, vist che in del 1955 l'è sarrada insema a varie alter linee del resgian, compagn de la Carp-Bagnoeul e 'l ram Barch-Montecc de la ferrovia Resg-Guastalla, vist 'me di "ram succ".
Bibliografia[Modifega | modifica 'l sorgent]
- Giannetto Magnanini, I trasporti pubblici a Reggio Emilia: cent'anni, Bologna, Analisi Trend, 1985, p. 254, SBN IT\ICCU\CFI\0045628.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Ferrovia Resg-Borret
