Ferdinando Cesare Farra
|
Quest articol chì l'è scrivud in lombard, con la Noeuva Ortografia Lombarda |
El Ferdinando Cesare Farra (...) a l'è stad un studios e scritor italian.
Biografia
[Modifega | modifica 'l sorgent]Professor de letere italiane e latine al Licee Manzon, a vint agn, del 1936, el taca a dà foeura articoi in su la coltura e la lengua milanesa in su la rivista de la Famiglia Meneghina e anca in sui bolletin de l'Archivi Storegh Lombard.
Sota la guida del Lissander Vescont, l'ha fad vari studi de literadura lombarda, tant 'me quei in sui false atribuzzion al Gian Paol Lomazz, in su l'Academia de la Vall de Bregn e 'l dialet che doperaven, in su l'Academia di Trasformad, in sui oeuvere in milanes de l'Isep Parin e de l'Ironem Biragh.
L'ha organizad anca di cors de literadura milanesa con la Famiglia e l'è stad anca un gran studios del Lissander Manzon.
Oeuvere
[Modifega | modifica 'l sorgent]El Farra l'era minga un poeta ma el scriveva di liber e di liregh.
Apena finida la guerra el scriv un penser dedicad a la Madonina del Dom de Milan, che l'era stada quatada per orden del cardinal Schuster insì de protegela. In di agn '60 el dedica di scricc a Garegnan e a la soa Certosa e a Ceravall con la soa badia, e con quella chi la vinc el premi del Cenacol milanes del 1961.
Del 1966 el dà foeura el Parnaso dialettale milanese contemporaneo e des agn adree el seguirà el segond Parnas.