Farmacolojia
|
Quell articol qì l'è scrivud in Lombard, cond l'ortografia Scriver Lombard. |
La se definex come farmacolojia el stude de le sostanze qe le interajex cond i sistema vivents grazie a process qimeg e, soratœt, a ligam cond molecole regoladore, o an'mo per ativazion o inibizion de process organeg fisiolojeg. Qelle sostanze qé le pœl vesser dei prodots qimeg, soministrads per el fin de hir-ga on efet terapeuteg sœ vergun process organeg del pazient, o vergun efets tosseg in sœi process biolojeg dei parassita qe i la infeta. La farmacolojea l'è ona dissiplina qe la g'ha denter de le conossenze basade in sœ tante oltre dissipline sientifege, come presempe la qimega, la biolojia, la bioqimega, la fisiolojia e la patolojia, e la studia l'usaj dele sostanze ai fin de curar, diagnostegar e prevegner le malatie. In particolar, ona volta qe on xenobioteg (çoè ona sostanza esterna al organism) la ven a contait cond l'organism pœl sœceder do robe: ind el prim cas ge sœced negot gnanc al xenobioteg gnanc al organism, e allora se parla de sostanze inerte, inveci ind el segond cas pœl modifegas la sostanza e anca l'organism. Qest qé l'è qell qe i studia la farmacoqinetega e la farmacodinamega, qe i è le do parti principai dela farmacolojia.
Branqe de la farmacolojia[Modifega | modifica 'l sorgent]
Farmacoqinetega[Modifega | modifica 'l sorgent]
|
Per savenn pussee, varda l'articol Farmacoqinetega. |
La farmacoqinetega l'è qella part de la farmacolojia qe la ge studia adree ai process qe i segueta a la soministrazion de on xenobioteg, çoè el so assorbiment, la so distribuzion, la so bio-strasformazion e la soa escrezion; per semplifegar, despess se dix qe la farmacoqinetega la studia qell qe el corp el ge fà adree al xenobioteg.
Farmacodinamega[Modifega | modifica 'l sorgent]
|
|
Per savenn pussee, varda l'articol Farmacodinamega. |
La farmacodinamega l'è qella part de la farmacolojia qe la ge studia adree a come on xenobioteg el pœl interferir, de manera positiva o negativa, cond i process fisiolojeg del organism; per semplifegar, despess se dix qe la farmacodinamega la studia qell qe el xenobioteg el ge fa adree al corp.