FC Internazionale Milano

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Vedrína
Vedrina
Quest articol chì l'è assee ben faa Vedrina
FC Internazionale
Logo
Nom complet Football Club Internazionale Milano
Nom d'afezion I Nerazzurri, I Bauscia, La Beneamata, El Bisson
Nom del passaa Ambrosiana, Ambrosiana-Inter
Data de fondazion 09/03/1908
Color Negher e bloeu
Stadi Giuseppe Meazza o San Siro
(75923 post)
Sede Corso Vittorio Emanuele II 9, 20122 Milan
Pressident Steven Zhang
Alenador Italia Antonio Conte
Campionaa atual Serie A
Sit Web www.inter.it
Team colours Team colours Team colours
Team colours
Team colours
En ca
Team colours Team colours Team colours
Team colours
Team colours
Fora ca

El Football Club Internazionale Milano, mèj cognossuu coma Internazionale (Internazional in lombard) o pussee semplicement coma Inter, l'è 'na squadra de folber de Milan. L'hann ciamada Ambrosiana e Ambrosiana-Inter in di temp del fassism. I color del club, fincora da la fondazion, hinn el negher e el bloeu.

Fondaa in del 9 de marz de 'l 1908 da 'n grupp de soci distaccaa dal Milan, el club l'ha sempar tolt part in del pussee alt campionaa nazional de la soa prima partida offizial, in del Campionaa 1909, e l'è l'unegh ad avè tolt part a tucc i edizion de la Serie A, creada in del 1929. La gh'ha la divisa nera e bloeu, e el sò simbol l'è el bisson, vun di simbol padron de Milan. El sò stadi l'è 'l Giuseppe Meazza, che 'l gh'ha 75923 pòst a settà.

In del sò palmarèss ei gh'hann 18 scudett, 3 Copp di Campion, 2 Copp Intercontinentaj, 1 Coppa del Mond per Club, 7 Copp Italia, 5 Supercopp italian.

El sò primm scudett l'è staa vingiuu in del Campionaa 1909-1910 e l'ultom, che l'è quell de desdott, in del Campionaa 2009-2010, l'ann del Triplete. In Italia l'è la segonda squadra che l'ha vengiuu pussee titoj naziunaj (de dree a la Juventus e pari a 'l Milan, l'alter squadra de Milan).

Stòria[Modifega | mudìfica 'l sorgènt]

La fundäziun e i primm agn

La roeusa de l'Inter in del 1910, che l'è 'ndree a festegiär el so primm scudett

El Football Club Internazionale l'è nassuu la sera del 9 de marz 1908 a 'l restorant "Orologio" de Milan per iniziativa de vün grupp de soci distaccaa dal Milan Cricket and Football Club, cuntrari a l'impusiziun del club ross e negher de fà minga giugà i forèst.

El primm success del club l'è staa nel 1910, vangiü da la squadra appèna duu agn dapress de la fundäziun.

Vün alter titòl italian l'gà vangiü nel 1920.

L'Ambrosiana-Inter in di temp del fassism

El Giusepp Meazza cun la naziunal italiana nei Agn 1930

In di temp del fassism, el Football Club Internazionale Milano l'gà dovuu cambiär nòmm prima in Ambrosiana e dappress in Ambrosiana-Inter per l'opra de l'italianizasiun doprada nel fassism.

L'gà vangiü trii titoj italian e voeuna Coppa Italia nei Agn 1930. El giugadur pussee important de chèst period chi l'è staa 'l Giusepp Meazza.

Dal segond dòpuguèrra ai Agn 1970

Helenio Herrera, alenador de l'Inter dal 1960 al 1968 e dal 1973 al 1974

Dapress la Segonda Guèra Mundiàl, cun la borlada giò del fassism in Italia, l'Ambrosiana-Inter turnà a ciamass "Football Club Internazionale Milano".

Nel 1946 'l Giusepp Meazza turnò nel club, però l'èra mia bòn cuma nei Agn 1930, a rasciun de 'n infurtuni avuu prima, e nel 1947 sé ritirò dal folber.

Nei Agn 1950, sota la guida de Alfredo Foni, l' Inter l'gà vangiü duu scudett.

Nel desenni dei Agn 1960, inveci, l'gà vangiü trii scudett, duu Coppe di Campion e duu Coppe Intercuntinentaj, sota la guida del capitan Armando Picchi e de l'alenador argentin Helenio Herrera, in chèla roeusa ca verà ciamada Granda Inter.

Dal 1970 a'l 2001

Nel 1970 l'Inter l'gà vangiü n'alter scudett, sota la guida de 'l noeuv alenador Giovanni Invernizzi.

Nel 1973 turnò a l'Inter 'l Helenio Herrera, ma a rasciun de vun problema al coeur sè n'andaa nel 1974 senza vingiar nagòtt.

Dal 1977 al 1982, sota la guida inveci del Eugenio Bersellini, l'Inter l'gà cjapà 2 Coppe Italia e vün Campionaa.

Nel 1989, chesta voelta chì cun l'alenador Giovanni Trapattoni, dappress asquas un desenni, l'Inter l'gà cjapà n'alter scudett e nei Agn 1990, dapress 26 agn, l'è turnà a vingiar anca 'n Europa, cun trii Coppe UEFA.

In del 1995 l'gà esordì in Serie A l' giugadur argentìn Javier Zanetti.

Dal 2001 a'l 2009

El Javier Zanetti, capitan de l'Inter dal 2001 al 2014

In del 2001 el Javier Zanetti 'l diventa capitan de la roeusa e di lì a pressapòcch l'sarà voeuna bandera de la squadra.

Nel 2005, cul noeuv alenador Roberto Mancini e sota la guida del capitan Zanetti, l'Inter turnà a vingiar, cjapand duu Coppe Italia de infilera.

Dapress el scandol de Calciopoli, il Campionaa 2005-2006 l'è staa daa da la Juventus a l'Inter, e chi l'è cominscià la segonda "età d'òr" del club, che dopu ch'el scudett lì l'ne gà vangiü alter trii, sota la guida prima sempar de l'alenador Mancini, e dapress del José Mourinho.

2009-2010, l'annada del Triplete

El Diego Milito, el principal tacànt de l'Inter, vun dei giugadur pussee impurtant nel Triplete

El 2009-2010 l'è staa l'ann di récord per l'Inter che, alenà dal José Mourinho, l'è rivada a fà el Triplete, cioè a ving el Campionaa (el quint de infilera), la Coppa Italia e la Coppa di Campion, tutt in del istess ann.

Coppa Italia 2009-2010 > El 5 de magg del 2010 a Roma l'Inter la ving la finala de la Coppa Italia contra la Ròmma per 1 a 0, gòl in del primm temp del Diego Milito. La Ròmma la finiss in 10, vist che 'l Francesco Totti el ciapaa 'l cartelin ross per vegh daa voeuna gran pesciada al Mario Balotelli.

Campionaa 2009-2010 > El 16 de magg l'Inter la ving l'ultoma partida del campionaa a Sienna per vun a zero contra 'l Sienna, cun gòl del Diego Milito, e la ving el Campionaa 2009-2010 con 82 pont, segonda la Ròmma con 80. L'è el sò Campionaa nomer 18.

Coppa di Campion 2009-2010 > El 22 de magg l'Inter la ving al Bernabeu de Madrid la Coppa di Campion 2009-2010 cóntra 'l Bayern de Mònaco, cont duu gòl semper del Milito. L'è la tèrza Coppa di Campion de la sò stòria.

2010-2011

Dòpo che 'l José Mourinho l'è 'ndaa al Real Madrid, l'Inter l'à ciamaa al sò pòst el Rafa Benitez e 'n de l'estaa l'ha venduu el Mario Balotelli al Manchester City.

Coppa Italia 2010-2011 > El 29 de magg l'gà vangiü n'altra Coppa Italia contra 'l Palermo.

Supercoppa italiana 2011 > El 21 de agost l'ha vingiuu, a San Siro, la Supercoppa italiana contra la Ròmma per 3 a 1.

Supercoppa UEFA 2011 > El 27 de agost l'ha perduu, contra l'Atlético Madrid, la Supercoppa UEFA per 2 a 0.

Dal 2011 fincora al dì d'incoeu

Dopu el 2011, cuma 'l Milan, l'Inter s'è farmà e l'gà pù vangiü nagòtt.

In del 2014 el Javier Zanetti s'è ritiraa dal folber e l'capitan l'è devenuu l'italian Andrea Ranocchia.

Nel Campionaa 2017-2018 e nel Campionaa 2018-2018 l'Inter s'è qualificada per la Coppa di Campion, sota la guida de l'alenador Luciano Spalletti.

Nel Campionaa 2019-2020 in cors sé giuga con la Juventus il titòl, sota la guida del noeuv alenador Antonio Conte.

Palmarèss[Modifega | mudìfica 'l sorgènt]

Titoj naziunaj[Modifega | mudìfica 'l sorgènt]

30 titoj

1909-1910; 1919-1920; 1929-1930; 1937-1938; 1939-1940; 1952-1953; 1953-1954; 1962-1963; 1964-1965; 1965-1966; 1970-1971; 1979-1980; 1988-1989; 2005-2006; 2006-2007; 2007-2008; 2008-2009; 2009-2010
1938-1939; 1977-1978; 1981-1982; 2004-2005; 2005-2006; 2009-2010; 2010-2011
1989; 2005; 2006; 2008; 2010

Titoj internaziunaj[Modifega | mudìfica 'l sorgènt]

9 titoj

1963-1964; 1964-1965; 2009-2010
1990-1991; 1993-1994; 1997-1998
1964; 1965
2010


Riferiment[Modifega | mudìfica 'l sorgènt]