Encelado (corp celest)

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Encelado
(Saturno II)
Encélado fotografàt de la sonda Cassini
Encélado fotografàt de la sonda Cassini
Satellite de Saturno
Descuprii 28 agosto 1789
Descovridor William Herschel
Parameter orbital
(a l'epoca J2000)
Semiass maggior 238 020 km
Period orbital 32 h 53 min 07 s
Inclinazion
dal equat. de Saturno
0,02°
Ecentricità 0,0045
Dati fisegh
Diameter medi 498,8 km
Volum
Massa
8,6 × 1019 kg
Densità media 1,3 g/cm³
Acceleraz. de gravità in superfiss 0,079 m/s²
Period de rotazion 32 h 53 min 07 s
Rotasiù sìncrona
Inclinazion assiala
Temperatura
superficiala
32,9 K (min)
~70 K (media)
145 K (max)
Albedo 0,99
Dati d'osservazion
Magnituden app. 11,7


Encélado l'è 'n satèlite natüràl del pianeta Saturno, scuprìt endel 1789 del astrònomo britànich de urìgin todèsca William Herschel. L'è de dimensiù piötòst pesène ma l'è östès de 'n gran interès perchè 'l g'ha 'na gròsa varietà de caraterìstiche superficiài compàgn per ezèmpe de zòne antìche e piéne de cratér e ótre regiù 'n bèl tòch piö zùine e piàne. A rizù de la sò puzisiù endel anèl E, l'aspèt zùen de la sò superfìce e la scopèrta piö recènt de 'na atmosféra dèbola, l'è pusìbil iputizà che 'l sàpe 'n ogèt amò atìf del pónt de vìsta geològich. Encélado el se tróa en resunànsa orbitàla 2:1 co Dione, situasiù mìa tat diferènta de chèla che s'è troàt per i satèliti de Giove Io e Europa, e chèsto el pödarès véser a l'urìgin de la generasiù de enegìa che ocór per scaldà en brizinì chèsto satèlite, ma i mutìf del riscaldamènt de Encélado l'è amò ogèt de stüde; de fat, la prudusiù de calùr al polo Sud de chèsta lüna l'è 'n bèl tòch piö grànda de chèl che se püdìa iputizà.

Encélado l'è giü dei satèliti intèrni principài de Saturno. L'è chèl dei quatórdes per distànsa del pianeta, e la sò òrbita la rèsta endèla part piö dènsa del anèl E, la part piö estèrna dei anèi de Saturno, en disch larch e sparnegàt furmàt de materiài microscòpich de gias e pólver che cumìncia en curispondènsa presapóch de l'òrbita de Mimas e fenés de le bànde de l'òrbita de Rhea.

L'orbita de Encélado la se tróa a 'na distànsa de 238 000 km del centro del pianeta e 180 000 km de la part piö àlta dei sò nìgoi, conden ecentricità de 0.0047, entramès a le òrbite de Mimas e Tetis. El ghe mèt 32,9 ùre a fà 'n gir entréch entùren al sò pianeta.

Compagn dei satèliti piö grancc de Saturno, Encélado el gìra söl sò as en sincrunìa col sò perìot orbitàl, isé che 'l g'ha sèmper la stèsa fàcia ultàda envers el sò pianéta.