Elezion del Parlament de Catalogna del 2017

Quest articol chì l'è scrivuu in lombard, grafia milanesa.

A l'è possibel che chesta vos o sezion la pò soffrì de recentism.

Inquand te set dree a mudala, scriv i event recent in ona prospettiva stòrega. Per favor, trà-via minga chest avis chì se la vos la corr anmò el ris'c de vess on esempi de recentism.

Elezion del Parlament de Catalogna del 2017
Stat	Spagna
Comunità	Catalogna
Data	21 de dicember 2017


Candidads	Inés Arrimadas	Carles Puigdemont	Oriol Junqueras
Partid	Ciudadanos	Junts per Catalunya	Sinistra Republicana de Catalogna
Voti	1'101'574	940'414	929'061
Cadrege	37	34	32
Differenza cadrege	+12	+2	+17

Commissaria Straordinaria de prima
Soraya Sáenz de Santamaría
2015

El dì 21 de dicember del 2017 gh'è staa di elezion per el Parlament de Catalunya, voruu del president spagnoeu Mariano Rajoy in l'applicà l'articol 155 de la Costituzion de la Spagna dòpo de la deciarazion di independenza. El sò resultaa l'ha menaa a la XII legislatura catalana.

Contest[Modifega | modifica 'l sorgent]

La Catalogna l'ha faa on referendum per la soa independenza el 1 de ottober 2017, e i event ch'hinn vegnuu dopo han menaa la Spagna a doperà l'artìcol 155 de la soa Costituzion che l'ha menaa al desligament del Parlament. In del frattemp la magistratura spagnoeula l'ha indagaa e mandaa in preson di volt offizial del governo catalan. El Carles Puigdemont e quater sò minister a hinn 'naa a Bruxelles, indova la magistratura spagnoeula ha provaa a estradài per poeu retirà el mandaa.

Candidatur[Modifega | modifica 'l sorgent]

Junts per Catalunya (Partii Democratich Europee Catalan): Partii independentista ligaa al President catalan Carles Puigdemont, a Bruxelles ricercaa de la Spagna.
Ciudadanos: Partii unionista, el candida la Inés Arrimadas García
Esquerra Republicana de Catalunya: Partii independentista de sinistra, el candida l'Oriol Junqueras ma el supporta la legittimità del Puigdemont 'me President. ERC l'ha presentaa anca la lista Diàleg Republicà, fàda di member de la gioventura del partii, in cas de illegalizzazion del Partii, ma poeu l'han retirada
Partit dels Socialistes de Catalunya: Partii federalista, el candida Miquel Iceta
Catalunya en Comú-Podem: Coalizion per el diritt a decid, la candida Xavier Domènech
Partido Popular: Partii unionista, el candida Xavier García Albiol
Candidatura d'Unitat Popular: Partii independentista de estrema sinistra
Partit Animalista Contra el Maltractament Animal: Partii animalista
Recortes Cero - Grupo Verde : Coalizion ambientalista
Per Un Món Més Just: Partii de sinistra

Resultaa[Modifega | modifica 'l sorgent]

I elezion han vist 'na maggioranza assoluta del blocch independentista ma cont Ciudadanos primm partii.

List		Vot	%	differenza %	Deputaa	differenza dep.
	Zittadin		25,37	+7,47	37	+12
	Insemma per la Catalogna		21,65	n.a.	34	n.a.
	Sinistra Republicana de Catalogna		21,39	n.a.	32	n.a.
	Partii di Socialista de Catalogna		13,88	+1,16	17	+1
	Catalogna in Comun - Podemm		7,45	n.a.	8	n.a.
	Candidatura de Unità Popolar		4,45	-3,76	4	-6
	Partii Popolar		4,24	-4,25	3	-8
	Altri		1,57	-	0	=
Total			100		135
Sched bianch			0,44
Sched null			0,37
Total votant			81,94
Gent cont diritt al vot		5 328 013

Reazion[Modifega | modifica 'l sorgent]

El partii primm rivaa Ciudadanos l'ha reclamaa la vittoria, ma i partii independentista, soratutt quell del Puigdemont, segond rivaa, han reclamaa lor la vittoria de la Republega e la volontà de dervì on dialegh cont el governo spagnoeu per la liberazion di consiliee detegnuu e in su l'independenza.

El PP, che l'ha ciappaa domà 3 deputaa, l'ha parlaa de on dì gramm sia per lor sia per el futur de la Catalogna. El leader de Podemos local, Domènech, l'ha nonziaa de stà a l'opposizion e che i elezion, anca se per lu de origin illegittima, han valor sacher.

Rajoy l'ha refudaa el dialegh e l'ha dii che per lu la vincitora a l'è l'Arrimadas e che 'l voeur no confrontàss cont el Puigdemont.

Parlament elegiuu[Modifega | modifica 'l sorgent]

El Parlament elegiuu a l'è staa de matris independentista: De facc i partii independentista gh'han avuu la maggioranza di scagn. El President del Parlament elegiuu , Roger Torrent, a l'è del partii independentista ERC. Part di deputaa independentista han poduu nò votà direttament: Per i trii a la preson a l'è staa possibil el vot delegaa, i ex consiliee, inclus el president destituii Carles Puigdemont, han poduu votà no e per permètt l'elezion independentista de la Presidenza a l'è staa necessari che 'l partii Catalunya en Comú el se astegniss.

Riferiment[Modifega | modifica 'l sorgent]