Articol 155 de la Costituzion de la Spagna

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

L'Articol 155 de la Costituzion de la Spagna a l'è 'na disposizion de legg che la permett al Stat de obbligà 'na Comunità Autonoma a fà vergòtt se la va contra la Costituzion, ai legg o a l'interess general de la Spagna.

A l'è ispiraa a la Bundeszwang, prevista de l'articol 37 de la Legg fondamental de la Republica Federala Todesca, de che l'è squasi 'na traduzion letterala.

L'articol[<small>Mudifega</small> | mudìfica 'l sorgènt]

L'articol el dis:

Wikiquote-logo.svg
«Si una Comunidad Autónoma no cumpliere las obligaciones que la Constitución u otras leyes le impongan, o actuare de forma que atente gravemente al interés general de España, el Gobierno, previo requerimiento al Presidente de la Comunidad Autónoma y, en el caso de no ser atendido, con la aprobación por mayoría absoluta del Senado, podrá adoptar las medidas necesarias para obligar a aquélla al cumplimiento forzoso de dichas obligaciones o para la protección del mencionado interés general. Para la ejecución de las medidas previstas en el apartado anterior, el Gobierno podrá dar instrucciones a todas las autoridades de las Comunidades Autónomas.»

Che in Lombard el voeur dì:

Wikiquote-logo.svg
«Se ona Comunità Autonoma la respetta no i obbligh impost de la Costituzion o di alter legg, o la fa di azion che attenten al interess general de la Spagna, el Governo, previa domanda al President de la Comunità Autonoma e, se 'l gh'ha no resposta, con la approvazion per maggioranza assoluda del Senad, el podarà adottà i mesur necessari per obligàlla forzosament a 'sti obbligh o per la protezion del giamò citaa interrss general. Per la esecuzion di mesur previst, el governo podarà dà istruzion a tucc i autorità de la Comunità Autonoma»

Applicazion[<small>Mudifega</small> | mudìfica 'l sorgènt]

L'applicazion de l'articol a l'è no immediada, e l'è regolamentada del Regolament del Senad.

De facc el primm minister de la Spagna el gh'ha de domandà al President de la Comunità Autonoma de respond in d'on temp determinaa, e se 'l fa no a l'è possibil portà la question innanz al Senad e parpoeu i misur che 'l voeur ciappà, che hinn de descut e de fà leng al President de la Comunità, e poeu approvaa de 'n assemblea plenaria.

L'articol el permett no de sospend 'n autonomia in forma esplicita, ma de impartì di ordin ai sò autorità e applicà di misur de natura economica.

Esempi de applicazion[<small>Mudifega</small> | mudìfica 'l sorgènt]

Canarij, 1989[<small>Mudifega</small> | mudìfica 'l sorgènt]

In del 1989 la Spagna l'ha domandaa ai Canarij de sospend i dazzi di paes de l'Union Europea, roba che l'avaria danegiaa l'autonomia fiscal de la zona. El President l'ha responduu, e donca a l'è staa minga applicaa effettivament.

Catalogna, 2017[<small>Mudifega</small> | mudìfica 'l sorgènt]

Exquisite-kfind.png Per savenn pussee, varda l'articol Crisi costituzional spagnoeula del 2017.

Dopo del Referendum per l'independenza de la Catalogna del 2017 e de la Deciarazion d'independenza Rajoy l'ha domandaa a Carles Puigdemont se l'ha deciaraa effettivament l'independenza, e dopo dò respoeust minga convincent l'ha nonziaa che 'l domandarà l'applicazion del 155.

L'obietiv a l'è de fà decadè el President e 'l Governo, ma minga el Parlament, e de fà di noeuv elezion in ses mes. El governo spagnoeu el ciapparia el controll di Mossos d'Esquadra e de la Corporació Catalana de Mitjans Audiovisuals, l'ent de la radio e de la TV catalana.

El 23 de ottober el Senad l'ha vert 'na commission de discussion con 27 member: 15 del Partido Popular, 6 del PSOE, 2 de Unidos Podemos, 1 del PNV, 1 d'ERC, 1 del PDeCAT i 1 del Grupp Messedaa.

El 27 de ottober, in contemporanea cont la proclamazion de l'independenza, l'è approvaa l'articol, senza però la rimozion de la television autonoma. L'è stada la prima voeulta in la storia de la Spagna.

Alter propost del 2017[<small>Mudifega</small> | mudìfica 'l sorgènt]

Dopo de la domanda a la Catalogna di reppresentant del PP han domandaa l'applicazion anca a di alter comunità de la Spagna.

El Reppresentant del Governo in Castija-La Mancha l'ha domandaa de applicàll, e l'ha ricevuu per quest el biasim del President de la Region.

I Reppresentant del PP al Paes Basch e in Navarra, region de sentiment independentista e nazionalista, han domandaa anca lor l'applicazion del 155.

Riferiment[<small>Mudifega</small> | mudìfica 'l sorgènt]