Cupid

Quest articol chì l'è scrivud in lombard, con la Noeuva Ortografia Lombarda

Picciura del Cupid che l’ha robad una rœusa

Ind la mitologia classega, el Cupid (latin: Cupīdō, che el vœul dì “desideri passional”) l’è el dia del desideri, amor erotegh, atrazzion e afetivitaa. L’è despess figurad coma el fiœul de la deja de l’amor Vener e del dia de la guerra Mart. L’è ancasì cognossud coma Amor (latin: Amor, “amor”). El sò equivalent gregh a l’è l’Eros. Ancaben che el vegna depensgiud coma un sgiovinot magrolin coi ale ind l’art classega, adree al period ellenistegh, el ven semper pussee representad coma un bagaj paciarot. In quell temp chì, la sò iconografia l’ha ciapad denter l’imasgen de l’arch e i sflizze che representen la font del sò podé: una persona, o anca pœu una deitaa, che la ven colpida de la sflizza del Cupid la se impieniss de un desideri incontrollabel. Ind i mit, el Cupid l’era un personasg segondari che el gh’haveva la fonzion de dà l’inviada a la trama. L’è un personasg prenzipal nomà ind el cunt de Cupid e Psiche, quand che lu el ven colpid di sò arme e donca el taca a vesser tormentad de l’amor lu medem.

El Cupid l’è indait inanz a vesser una figura popolara ind l’Etaa de Mez, quand sota l’influenza cristiana el representava la natura dobia de amor del cel e de la terra. Ind el Renassiment, gh’è stait un renovad interess per la sò figura che el l’ha guarnid de di segnifegad allegoregh compless. Ind la coltura popolara del dì de incœu, el Cupid l’è de solit adree a tirà i sò sflizze per fà namorà i persone, e l’è despess vuna dei icone del dì de San Valentin. I podé del Cupid inn compagn, siben minga istess istess, a quii del Kamadeva, dia hindó de l’amor uman.

Ligam de denter

• Religion romana

Ligam de fœura

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Cupid
• Wikimedia Commons el gh'ha dent imagin o alter archivi su Cupid