Vener (deja)
|
Quest articol chì l'è scrivud in lombard, con la Noeuva Ortografia Lombarda |
La Vener[1] (latin: Venus)[2] l’è una deja romana che la gh’ha i fonzion de protetora e patrona de l’amor, la bellezza, desideri, sess, fertilitaa, prosperitaa e vitoria. Ind la mitologia romana l’era un’avola de tut el popel de Roma intravers sò fiœul Eneja, che l’era soravivud a la toma de Troja e l’haveva pœu de conseguenza reparad in Italia. El Sgiuli Zeser el diseva de vesser un sò dessendent. La Vener l’era una figura zentral in tante feste religiose, e l’era assee venerada ind la religion romana sota un frach de titoi e scomagne deverse.
Intravers un prozzess ciamad interpretatio romana – soratut ind l’art e literadura – la figura de la Vener l’haveva sorbid una mota de mitologie che pertegneven a la deja grega Afrodita. Ind la tradizzion classega suzzessiva, l’è vegnuda vuna di deitaa pussee menzionade de tut el corpus mitologegh greco-roman coma la personifegazzion de l’amor e de la sessualitaa. L’è sovenz depensgiuda coma una bella fomna desbiotada ind i picciure che la figuren.
Referenze[Modifega | modifica 'l sorgent]
- ↑ Dizionario del Cherubini, volume 4, pg. 491.
- ↑ de Simone, Carlo (2017). "Messapic", Handbook of Comparative and Historical Indo-European Linguistics. Walter de Gruyter, 1843. ISBN 978-3-11-054243-1.
Ligam de denter[Modifega | modifica 'l sorgent]
Ligam de fœura[Modifega | modifica 'l sorgent]
Wikiquote el gh'ha dent citazzion de o su Vener
Wikimedia Commons el gh'ha dent imagin o alter archivi su Vener
