Corsia di Serv
|
Quest articol chì l'è scrivud in lombard, con la Noeuva Ortografia Lombarda |
La Corsia di Serv (ofizzialment Cors Vitori Emanuell II) a l'è un stradon de Milan che 'l conliga Piazza del Dom a Piazza San Babila. A l'è part de una gran area pedonalizada del center de la cità, insema a via Dant e a Piazza di Mercant.
Strada che la gh'era sgiamò al temp di roman, la ciapa el so nom di Serv de Maria, che gh'haveven la soa gesa lilinscì: in quell stradon chi el Lissander Manzon gh'ha mitud el prestin di scansc de I duu moros. Del secol XIX a l'è slargada, i vegge cà de l'età de Mez inn tirade sgiò e anca la gesa di Serv a l'è, sostituida de la Gesa de San Carlo al Cors. Dopo de 'sti lavorà, a l'è dedicada al Franzesch II d'Asborgh-Lorena, dopo de l'unità d'Italia ghe la dedichen al Vitori Emanuell II de Savoja, e la republega ghe lassa quell nom chi. A mità agn '80 a l'è la prima strada de Milan a vesser pedonalizada.
In su la corsia se troeuva l'Om de preja, statua de la coltura milanesa, la Torr Tirrena, el Palazz del Tor, i Magazin Bonomi, la Geseta del Pasquiroeul, e la Galleria del Cors, che la conliga con piazza Ceser Becaria. Lilinscì inn stad trovad anca i rest di Terme Erculee romane, che se poden vedè.
Bibliografia
[Modifega | modifica 'l sorgent]- Maurizio Grandi, Attilio Pracchi, Milano. Guida all'architettura moderna, Zanichelli, 1980. ISBN 8808052109.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Corsia di Serv
