Colona del Leon
|
Quest articol chì l'è scrivud in lombard, con la Noeuva Ortografia Lombarda |
_-_Foto_Giovanni_Dall%27Orto_23-June-2007_-_04.jpg)
La colona del Leon a l'è un monument de piazza San Babila a Milan, denanz a la gesa omonema.
A l'è una colona in preja con su un leon, che se sa no la soa origin: a l'era deventad un simbol de Porta Renza per una vitoria di milanes che se sa no. Del 1549 el prefet Catian Cota ghe fa fà su 'n pedestall cont anca un test che 'l sostegniva che la statua sora la fuss stada ciapada di venezzian e del 1610 l'è restaverada de l'Antonio Pirovano. Del 1628 el Carlo Serbellon ghe fa fà la colona che la gh'è incoeu, che l'è danegiada in la segonda guerra mondial e restaverada del 1986.
Del 1969 a l'è spostada pussee vers la gesa per i lavorà de la metropolitana: prima l'era pussee vers el center de Cors Venezzia.
Bibliografia[Modifega | modifica 'l sorgent]
- A. Caimi, Il leone di Porta Orientale in Milano, in Bollettino della Consulta Archeologica, 1875, pp. 43-51.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Colona del Leon
