Cirrus spissatus
El cirrus spissatus, (abbreviazion Ci spi), a l’è ona di specie che i nivol del tipo cirro pòden vèss, che se forma in su di altèzz puttòst elevàa.
I nìvol Cirrus spissatus hinn infra i pussée alt e di vòlt pòden rivà su anca fin a la bassa stratosfera. Hinn caratterizza de on aspètt a fil oppùr compagn di filzoeu de giazz; de sòlit hinn bianch, ma pòden parì grisaster quand ch’hinn dens e vardàa in contralùs. Se pórten nò adrée di precipitazion, inveci pòden fa formà di fenòmen òttich.
I cirri spissatus hinn di cirri dens che scunden in part o del tutt el Sol o la Luna e comparen grisaster quand che hinn vardàa in contralus. Nonostant che pòden formàss in divèrsi situazion, hinn soratutt comun in di pennàcc o adrée a l’incudin di cumulonemb. La sò comparsa la segnàl d'ona probabilità de pioeuva de li a 12-15 or se compàren insèma con di vent che vegnen infra el Nòrd-èst e ‘l Sud; anca de lì adrée se i vent vegnen de ‘na direzion infra el Sud-èst e ‘l sud. In presenza de alter vent inveci originen on quatta dura estèsa del ciel.