Circh roman de Milan
|
Quest articol chì l'è scrivud in lombard, con la Noeuva Ortografia Lombarda |
El circh roman de Milan a l'era el circh de Mediolanum, che l'era longh 470 meter e largh 85 meter, e l'era el pussee grand fad sota la Tetrarchia de Dioclezzian e l'unegh de 'na cità de la Cisalpina, oltra a quell de Aquileja.
Fad su del Massimian vers la fin del III secol in sul Cantarana, a l'era in tra i strade moderne de cors Magenta, via del Torcc, via Brisa, via Capusc, via Circh e via Morigi e se pensa che l'è stad destrugad del Barbarossa del 1162, in del so assedi de la capital lombarda. Incoeu ne resta in bone condizzion la torr de vun di carceres, o ben i restei che ghe partiven i bighe, che l'era deventada el campanin del Monester Magior e incoeu l'è dent al compless del Civegh musee archeologegh de Milan. In di bande arente se troeuva di rest che inn musealizad a l'avert.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Circh roman de Milan
