Canal Vilores
.jpg)
El Canal Villoresi (on quaidun ghe dis anca Rongion) l'è on canal de irrigazion ideaa in del XIX secol de l'ingegnee lombard Eugenio Villoresi. L'è staa faa sù tra el 1877 e 'l 1890.
El gh'ha origin del fiumm Tisin e 'l finiss in de l'Adda dòpo on percors de 86 km, ròbba che le fà diventà vun di canai artificiai pussee longh d'Italia. El gh'ha on svilupp orizzontal in direzion òvest-est e 'l passa in de l'alta pianura lombarda, a nòrd de Milan. in del sò percors l'incontra e a vòlt el ciappa i aqui de vari fiumm e riai. Quei chì hinn l'Arnetta, l'Olòna, el Bozzent, la Lura, la Guisa, el Niron, la Cisnara, la Lombra, la Garbognera, el Seves, el Lamber, la Molgora, la Tròbbia, el Vallon e 'l Navili Martesana. Tra el Seves e l'Adda el canal el marca el confin meridional de la Brianza. A Monza el da el nòmm al parch che l'è staa faa sù in del luj 2010.
El percors del canal
[Modifega | modifica 'l sorgent]- Provincia de Vares: Somma, Vizzoeula, Lonaa Pozzoeu.
- Provincia de Milan: Nosaa, Castan, Buscaa, Arconaa, Bust Piccol, Parabiagh, Nervian, Lainaa, Garbagnaa, Senagh.
- Provincia de Monza e Brianza: Limbiaa.
- Provincia de Milan: Paderna Dugnan.
- Provincia de Monza e Brianza: Noeuva, Muggiò, Monza, Brughee, Carugaa.
- Provincia de Milan: Caponagh, Cambiagh, Gessaa, Masaa, Inzagh, Cassan su l'Adda.