Molgora

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La Molgora a Vimercaa cunt el pont de San Rocch

La Molgora l'è on riaa de la Lombardia. L'è longa trentott chilometri.
La nass in de l'alta Brianza, de duu rialitt che vegnen giò de Coll e de Santa Maria e de là la traversa tutta la Brianza.
A Oeus Velaa la ciappa i aqui de la Molgoretta. A Pessan la passa sotta al Villoresi e, grazzie ai trii bocch de Pessan, la riess a toeunn on poo de aqua. El succed proppi istess a Gorgonzoeula, con la Martesana.
A la fin del sò percors, in tra Truccazzan e Comazz, la va dent a la Muzza, che de lì a pocch a la va dent a l'Adda.

La qualità de l'aqua[Mudifega | mudìfica 'l sorgènt]

I aqui de la Molgora hinn consideraa puttost bonn fina a Meraa. A nord se troeuven i trutt, pussee giò inveci se poden trovà i vairon.
Dopo del sit ciamaa Sbianca, i pess tacchen a vessegh nò, e i aqui hinn on poo pesg. A sud, inveci, arent a Melz, i aqui hinn anmò bonn e polid, e se poden vedè nodà i trutt e i caveden.