Bruno Mussolini
|
Quest articol chì l'è scrivud in lombard, con la Noeuva Ortografia Lombarda |
El Bruno Mussolini (Milan, 22 de avril 1918 - Pisa, 7 de avost 1941) a l'è stad un sgolater italian, fioeul del Benito Mussolini e de la Rachele Guidi: ofizzial de la Regia Aeronautega, a 17 agn l'è stad el pilota militar pussee sgiovin d'Italia e pussee inanz l'è stad diretor de l'Ala Littoria e fondator di Linee Aeree Transcontinentali Italiane.
Gh'è mort intant che 'l provava vun di noeuv Piaggio P.108 de l'Aeronautega che gh'haveven de vesser doperad in la segonda guerra mondial, che l'haveva perdud in potenza intant che 'l tornava a terra: l'è stad portad a Predappio de un treno special e la sgent l'è andada a saludàll in di stazzion, gh'era anca di pilota caturad de la Royal Air Force che inn andad a dàgh omagg al nemis, e l'è stad miss sota in la Cripta Mussolini. Per el fredell Vittorio la soa mort l'è stad l'ultim moment che i italian s'inn trad insema intorna al Dus che, colpid de la mort del fioeul, l'ha scrivud poche setimane dopo un liber cont el titol Parli cont el Bruno.
Bibliografia
[Modifega | modifica 'l sorgent]- Luigi Mancini (a cura di), Grande Enciclopedia Aeronautica, Milano, Edizioni Aeronautica, 1936.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Bruno Mussolini
