Berlin Est

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

	«Fina che la Porta de Brandeborgh l'è sarrada, la question todesca l'è verta»
	(Richard von Weizsacker, sindegh de Berlin Ovest)

Berlin Est (Ostberlin in todesch) a l'era la part de Berlin che, dopo de la segonda guerra mondiala e la sconfita del Terz Reich, l'è fornida sota el controll de l'Union sovietega e poeu de la Republega Democratega Todesca, che l'ha scernuda 'me soa capital per tuta la soa esistenza intrega. I Liad ocidentai recognosseven no quella scerna e l'integrazzion in la Germania Est, e sutaven a ciamà la cità Sowjetsektor (Setor sovietegh), menter oltra-cortina l'era ciamada in principi Demokratisches Berlin (Berlin democrategh) e poeu Berlin, Hauptstadt der DDR (Berlin, capital de la RDT).

Del 1961 al 1989 a l'è stada partida de Berlin Ovest del mur de Berlin, che 'l serviva a schivà la defezzion vers l'Ocident, e che l'è deventad simbol de la separazzion in tra Ovest e Est e de l'opression del sistema totalitari comunista. Quand che el mur l'è vegnud sgiò e i do Germanie se reunifeghen, Berlin l'è tornad una cità unega.