Attilio Boggiali
|
Quest articol chì l'è scrivud in lombard, con la Noeuva Ortografia Lombarda |
L'Attilio Boggiali (Milan, 1908 - ...) a l'è stad un poeta e scritor italian.[1]
Autor in dialet milanes, l'era vegnud su arent a Porta Magenta, tant che l'Enrico Botturi el ciamava "el poetta de Porta Magenta". Oltra che de poesie, che trataven vari gener (familiar, religios, de vita comun), l'ha scrivud anca in prosa.[1]
A l'è regordad soratut per i so traduzzion di orazzion e di salmi in milanes, che inn stad mitud in musega del don Stefano Varnavà e che inn cantad di Magister Cantô in la Messa per el dì di mort che l'è organizada de l'Antica Credenza de Sant Ambroeus a la parochia del Foponin.[2]