Atalanta BC

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Atalanta BC
Logo
Nom ofiçal Atalanta Bergamasca Calcio
Nom d'afezion I Nerazur, I Orobeg, La Dea
Nom del passad SBGSA Atalanta, Atalanta e Bergamasca GS
Data de fondazion 17/10/1907
Color Niger e blœ
Stadi Gewiss Stadium
(21300 post)
Sit
Bergem
President Antonio Percassi
Allenador Gian Piero Gasperini
Campionad atual Serie A
Sit Web atalanta.it
Team colours Team colours Team colours
Team colours
Team colours
In cà
Team colours Team colours Team colours
Team colours
Team colours
Fœra cà


L'Atalanta Bergamasca Calcio (Atalanta Bergamasca Folball in lombard), cognossida de plu come Atalanta, l'è la squadra de folball de Bergem nassida ind el 1907, qe l'ha ciapad ol nom d'un personaj mitolojeg de la Grecia Antiga.

La so maglieta l'è a bande blœ e nigre.

Storia[Modifega | modifica 'l sorgent]

L'Atalanta ind el 1913-1914

La Società Bergamasca di Ginnastica e Sports Atletici Atalanta la nass ind el 1907, e jamò ind el istess ann l'è faita su la sezion de folball, qe la juga cond una maglieta bianca e nigra.

Ind el 1920 la se fond con la Bergamasca (qe la juga cond una maglieta bianca e azura), e la ciapa insé ol nom e i color d'incœ (l'è tirad vià ol bianc in comun e i è tegnids domà ol niger e l'azur).

Ind la stajon 1937-38 la juga per la prima volta in Serie A.

Ind la stajon 1947-48 la riva quinta in Campionad.

Ind el 1963 la venc la Copa Italia.

Ind el 1980-81 la juga in Serie C.

Ind el 1986-87 la turna in Serie B e la riva in final de Copa Italia, indove la perd col Napoli de Maradona. Dejà qe ol Napoli a l'ha vencid ol Campionad e al và in Copa dei Campion, l'Atalanta, anc se l'ha perdid la final de Copa Italia, la va in Copa dei Cope.

Ind la stagiun 1987-88 l'Atalanta la ge riva a tornar in Serie A e in Copa dei Cope la riva fina in semifinal, indove la perd col Malines, qe po al vencerà la Copa.

Ind el 2007 l'ha festejad i 100 agn.

Ind el Campionad 2009-10, despos hir-g cambiad un poo de allenador, prima ol Angelo Gregucci, po l'Antonio Conte e, ultem, ol Bortolo Mutti, l'Atalanta la riva terz-ultema con 35 ponts e la feness in Serie B.

Ind l'istad del 2010 la fameia Ruggeri la vend l'Atalanta a'l Percassi, qe l'iva jamò stait ol padron de la squadra. Ol Percassi al ciama come allenador ol Stefano Colantuono qe, compagn del Campionad 2005-06, al porta subet la squadra in A.

Ind el Campionad 2011-12 l'Atalanta l'ha tacad ol campionad con 6 ponts de penalizazion per responsabilitaa ojetiva ind la stòria de scomesse in su i partide de la Serie B de l'ann inants, ma l'è riavada a salvar-s senza tanta fadiga e l'ha finid ol campionad con 46 ponts.

Ind el 2017 la riva quarta in Campionad.

Ind la stajon 2017-18 la juga in Europa League e la riva prima del so jiron (Everton, Limassol e Lion). La va for de la competizion contra ol Borussia Dortmund.

Ind el 2019 la riva terza in Campionad e la perd la final de Copa Italia a Roma contra la Lazio.

Ind la stajon 2019-20 la juga per la prima volta in Champions League e la riva ai quarts de final.

Ol 22 de maj del 2024 la venc l' UEFA Europa League. In final la fronta ol Bayern Leverkusen e la partida la feness 3-0.

Palmares[Modifega | modifica 'l sorgent]

Titoi nazionai[Modifega | modifica 'l sorgent]

Titoi internazionai[Modifega | modifica 'l sorgent]

Riferiments[Modifega | modifica 'l sorgent]

  • (IT) Elio Corbani; Pietro Serina, Cent'anni di Atalanta - Vol 2, Bergamo, Sesaab, 2007.

Ligam de fœra[Modifega | modifica 'l sorgent]