Antibioteg β-laitameg

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Strutura del nucleo di penicilline (sora) e cefalosporine (sota). L'anell β-laitameg in ross.

I β-laitameg i è una class de antibioteg qe i ge impedex ai batere de far sœ la so pared cellulara, per inibizion de la transpeptidasis, un enzima qe el forma dei legam incroxads qe i fa vegner plœ forta la strutura del peptidoglican, component fondamental de le pareds cellulare.

Strutura dei β-laitameg[Modifega | modifica 'l sorgent]

El nucli fondamental de qei antibioteg qé l'è el β-laitam, una amide ciclega, qe l'è miga stabil fess. El β-laitam el se pœl meter insema cond olter nucli e formar i nucli de le diferente class de antibioteg β-laitameg.

Resistenze[Modifega | modifica 'l sorgent]

De spess i batere i desvelupa resistenza ai antibioteg β-laitameg, perqè i impara a far-s sœ l'enzima β-laitamase, qe l'è bon de atacar el anell β-laitameg e dervir-l, incé qe l'antibioteg el fonziones plœ. Per evitar qe el sœcedes qel tant qé, de spess i β-laitameg i se sonministra insema ai inibidor de la β-laitamase, 'me prexempe el acid clavulaneg.

Class de antibioteg β-laitameg[Modifega | modifica 'l sorgent]

G'è quater class principai de antibioteg β-laitameg; le g'ha tœte el β-laitam, ma ognœna de lore el la presenta ind una strutura de bas diferenta. Le quater class de antibioteg β-laitameg i è: