Ada Lauzi
|
Quest articol chì l'è scrivud in lombard, con la Noeuva Ortografia Lombarda |
L'Ada Lauzi (Milan, 7 de masg 1928) a l'è una poetessa italiana, che la scriv in dialet milanes.[1]
Biografia[Modifega | modifica 'l sorgent]
Nassuda a Milan, i so sgent eren de la Lombardia ma no de la cità, ma la resta orfena de mam quand che la gh'haveva du agn[2]: la imprend el dialet meneghin in di cà de ringhera e la se svesina prest a la poesia milanesa, cont el lensger la literadura lombarda del '300 e inanz, e la se ispira soratut al Carlo Porta e al Luis Medegh[2] e con l'andà al Circol Filologegh Milanes per fà pussee bon el so savè de metrega.[1]
Del 1983 al 2009 l'ha fad, in su la Radio Meneghina, una trasmission dedicada al milanes, indova che se lensgeven poesie, proverbi e roba compagna e se daven lezzion de gramatega.[2]
Poesia[Modifega | modifica 'l sorgent]
La soa poesia la trata vari tema, e l'ha fad anca di traduzzion de alter oeuvere in la lengua del Porta, per esempi l'ha voltad l'Infinito del Giacomo Leopardi. [2] A l'è retegnuda una gran poetessa del milanes, e de lee el Claudio Beretta el diseva che la mostrava la soa natura e la soa storia personal, senza mai bandonà quell che l'è.[2]