Gesa del Rosari (Milan)
|
Quest articol chì l'è scrivud in lombard, con la Noeuva Ortografia Lombarda |
.jpg)
La Gesa del Rosari a l'è una gesa parochiala de Milan fada su in tra el 1905 e 'l 1914 in stil neoromantegh in su proget de l'Enrico Locatelli, prevet che l'haveva dissegnad anca la Gesa de San Domenegh a Legnan. El vegg roson, de gust medieval, l'è stad tirad via e al so post l'è stad mitud quell che gh'è incoeu del 1952. Gh'è un campanin, tirad in pè del 1922 al 1924, progetad del Spirito Maria Chiappetta.
La partegn al decanad San Sir-Sempion-Vercellina de l'arcidiocesi de Milan e l'è in su la via Andreja Soree, e l'è stada fada su per servì el prim quarter de la Società Umanitaria: prima, del 1907 a quand che l'hann fornida, a gh'era una capella in ciment.
Propi arent a quella gesa chi i Brigade Rosse hann copad el giornalista Walter Tobagi, che l'era un fedel assidov, e gh'hann poeu dedicad el center coltural de la parochia.
Riferiment
[Modifega | modifica 'l sorgent]Ligam de foeura
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa del Rosari (Milan)
