Dialett de Monviasch

Quest articol chì l'è scrivuu in lombard, grafia milanesa.

El dialett parlaa a Monviasch a l'è ona variant particolar de la lengua lombarda.
A l'è doperaa in del paes de Monviasch, in de la Val Vedasca (VA), e 'l se deslontana de tucc i olter dialett del circondari per el sò vocalism particolar.

Vocalism[Modifega | modifica 'l sorgent]

In particolar, el monviaschin el gh'ha tre caratteristegh fondamentai che le fann vegnì putost particolar:

La conservazzion parzial de la vocal final, soratutt denanz a R o in di grupp consonantegh con scià la R:
- odor [u'duːrʊ], mel ['meːre], amar [a'maːra], dolor [do'loːrʊ], mur ['muːrʊ], buter [bu'teːre], dur ['dyːrʊ], fior ['fi̯uːrʊ], zeller ['tselere], pel ['peːre]
- negher ['neːgre], quader ['ku̯aːdra], liber ['liːbre], Peder ['peːdre], coloster [ko'luʃtru], veder ['veːdre], majester [ma'i̯eʃtre], zuccher ['tsykrʊ], otober [o'tobrʊ], pover ['povrʊ], incoster [iŋ'koʃtrʊ]
- ma vegg [vetʃ], fradell [fre'del], pess [pes]
La similazzion (semper parzial) de la vocal final con la vocal tonega, compagn de quell che suced in vari dialett tesines e grisones del lombard: var a dì Gordun, Chironegh, Sovri, Cavagnagh, Landarenca, Pronz, Gnosca e Molen.
- stuva ['ʃtyve], scuma ['ʃkyme], nuvra ['nyvre], scova ['ʃky:ve], sposa ['ʃpy:ze], uga ['y:ge], ruga ['ry:ge]
- rusca ['ryʃkʊ], frusa ['fryːzʊ], luna ['lynʊ], dolza ['dyltsʊ], crosta ['kryʃtʊ], dura ['dyːrʊ]
- roeuda ['rɔːdʊ], parolla [pa'rɔlʊ], popa ['popʊ], rolla ['rɔlʊ], bocca ['bokʊ], gotta ['gotʊ], coppa ['kopʊ], stoppa ['ʃtopʊ], ronscia ['runʃʊ], longa ['luŋgʊ], torta ['turtʊ]
- gera ['dʒeːre], cresta ['kreʃte], venespra [ve'neʃpre], terra ['tere], vedova ['vedove], scesa ['ʃeːze], strenna ['ʃtrene], pajetta [pa'i̯ete]
- spina ['ʃpini], ombria [om'bri.i]
- dodes ['dodʊs], stomegh ['ʃtumʊk], gombed ['gumbʊt]
Anca la vocal postonega final che la sortiss minga la se comporta 'me la vocal final:
- orazzion [oro'tsjoŋ], lunedì [lynu'di], martedì [marta'di], mercoldì [morkul'di], giovedì [dʒuvu'di]