Stomegh

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
La strutura de l'istomegh.

El stomegh l'è on orghen de l'aparad digerent. L'è quell che 'l fa su la segonda fas de la digestion, quella che la vegn despoeu el mastegà.

El nomm[Mudifega | mudìfica 'l sorgènt]

La parolla stomegh la vegn del latin stomachus, che 'l deriva anca lu del grech stómachos. L'è doperaa in tutt i lengov romanz (italian stomaco, piemontes stòmi, spagnoeu e aragones estómago, catalan estómac, portoghes estômago, frances estomac, romen stomac), oltra che in ingles (stomach) e in di lengov brittonegh (breton stomog, galles stumog).
El termen grech gastér (che 'l voeur dì "venter, stomegh") a l'è drovaa per i nomm medegh che pertocchen l'istomegh.

Del nomm doperaa in di lenguagg germanegh (compagn del todesch magen, olandes maag, danes mave, islandes magi, frison mage) la vegn la parolla lombarda magon e, in del sens de "grossa baga", anca la parolla magott.