Zentura

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Zentur in pell.
Dissegn d'ona zentura.

Ona zentura o zenta a l'è ona stòlla flesibel de solet de pell, tessua putost che de fiber intrezzaa che se mett attorna a la vitta. La zentura la gh'ha funzion de sostegn per capp d'abigliament comè colzon e sòcch, per ogett (spad, bors) o per bellezza.

El sò nòmm el riva dal terman latin cingulum, che indicava la zentura civila (quella militara a l'era ciamada balteus).

Stòria[Modifega | mudìfica 'l sorgènt]

I sò origen a hinn da vess cercaa adree fin a la preistòria: a hinn staa trovaa rest de zentur metalligh de l'età del bronz. In de l'antichitaa i zentur serviven per destingu el grad militar, religios putost che civil. Ona precisazion stilistega e, in di temp recent, pratega: per i òmen, ona vòlta lazzada la zentura, la "lengua" oltra la fibbia, el gh'ha de finì sora el fianch dritt, menter per i dònn sora el fianch manzin. Quest perchè per i òmen, fin da l'antichitaa i vari tipp de zentura doveven minga dà "fastidi" per trà-foeura la spada (portada sora el fianch manzin e trada-foeura cont la man dritta) e donca el tòcch final de la zentura doveva andà sora el fianch dritt per scansà incagli.

Carateristegh[Modifega | mudìfica 'l sorgènt]

El modell pussee comun el gh'ha la fibbia a ona estremitaa e on quaj bus a l'altra inscì che se se mett-dent l'ardion de la fibbia in di bus, la zentura la se sera-sù. El vari numer di bus, che gh'hann intra de lor ona distanza inguala, permett de regolaghe la larghezza, per adattala al gir de la vitta. La pò vess dotada anca cont alter tipp de saraa o anca sarada domà giontand i coo .

Zentur che se metten-adòss domà per bellezza vegnegn mettuu di sora di vestii, soratutt in de la mòda femenila.

Us[Modifega | mudìfica 'l sorgènt]

  • Intra i lottadur de giudo a l'è ona stòlla de tessuu ciamada obi e el color de la zentura indica l'esperienza del lottadur (bianca, gialda, naranza, verda, bloeua, marona e negra).

Vos ligaa[Modifega | mudìfica 'l sorgènt]