Abigliament

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Paris, 1860
L'oba (Nigeria)
Ona dònna che la gh'ha sù el tradizzional Kimono (Furisode)

Abigliament a l'è 'na ròbba putost che 'n tessuu faa per quattà-sòtta tòcch del còrp uman. I omen a hinn i unegh animai che tegnen-adòss di vestii, e squas tucc i persònn se vesten.

El còrp el pò vess quattaa cont ona camisa, i brasc cont i manigh, i gamb cont di calzon putost che cont ona sòcca, i man cont di guant e i pè cont di scarp. In quand el fà fregg, i persònn se vesten pesant cont i paltò e i capej.

L'abigliament el protegg el còrp uman dal cald del sô e di temperadur alt in di paes tropegai. I vestii comè paltò de lana e i strivaj tegnen el còrp al cald in dove i temperadur a hinn fregg comè ('me al pòlo nòrd). El se pò, donca, dì che l'abigliament el protegg i gent da dann per el soeu còrp.

L'abigliament a l'è anca tegnii-adòss comè decorazzion, per la mòda. I persònn de cultur divers se vesten cont vestii divers e a gh'hann idej e costumm desferenziaa resguard a che tipo de vestii mettes-sù. Per tant persònn l'abigliament a l'è comè on "simbol de staa" perchè ajuta a fà vedè ai alter comè che vun a l'è. De spess, l'abigliament a l'è ona forma de autoespression. I òmen-faa in divers situazzion sociai putost che de lavô presenten divers maner de fass vedè mersì al vestii che gh'hann-adòss. Spess i gent semplicement vann-adree a la mòda pussee popolara inscì e se adatten a lee. Donca, l'abigliament a l'è minga domà ona mezz che 'l protegg el nòster còrp.