Wikizzionari

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda


El Wikizzionari a l’è on proget cooperativistich gratuit de tante lengue, in su la red, sostegnud de la Wikimedia Foundation, per prodù on dizzionari onlain liber, in tante lengue, con significad, etimologie e pronunce, per mez de l'uso d’ona piataforma wiki compagn de la Wikipedia de la qual a l'è on compagn lessical.

Descrizzion[Modifega | modifica 'l sorgent]

Adree a on'idea nassuda del Daniel Alston, el proget (a l'inviada domà in ingles) l'ha vist la lus el 12 de desember del 2002. I prim Wikizzionari de tante lengue trad in pee, a inn stad quell frances e quell polach, nassud tucc du el 29 de marz del 2004; a setember 2011 a gh'eren di Wikizzionari in 157 lengue, per on total de squas 12 milion di vos.[1]

Fina al 1º de magg del 2004 el proget a l'era stad ospitad in su on URL temporani, e poeu l'è stad moss a l'adress d'incoeu. Al dì d'incoeu (09 otober 2019) la version lombarda la gh'ha dent pressapoch 6900 vos e 29 utent asca di apendici de gramatega lombarda e de lessich.

El 09 otober del 2021 i magior Wikizzionari i eren:

  1. Ingles: 6.800.011 vos
  2. Frances: 4.245.896 vos
  3. Malagasi: 1.709.182 vos
  4. Russo: 1.148.115 vos
  5. Todesch: 1.006.713 vos
  6. Cines: 1.075.000 vos
  7. Spagnoeul: 908.299 vos

Diversament de tanti dizzionari che i gh'hann denter domà voeuna o do lengue, el Wikizzionari a l'è on dizionari con dent tante lengue e internazzional, o ben el so fin ambizzios a l’è quell regoeuj ogni parolla per ogni lengua conossuda.

Note[Modifega | modifica 'l sorgent]

  1. Statistiche ufficiali di tutti i progetti Wiktionary. URL consultato in data 25 settembre 2011.

Ligam de foeura[Modifega | modifica 'l sorgent]