Lorenzo Ostuni

Quest articol chì l'è scrivuu in lombard, grafia milanesa.

El Lorenzo Ostuni (Turin, 7 de april 1995) a l'è on youtuber e scrittor italian, pussee famos cont el nickname de Favij. A l'è el youtuber de lengua italiana cont pussee iscritt.

Biografia

Nassuu a Turin, el se trasferiss de fiolin a Borgaro Torinese, in del 2011 el derva on canal cont di amis, ciamaa TheSharedGaming, e in del 2012 el derva el sò canal autonom, FavijTV, dopo che per on'estad l'ha gestii indeperlu el canal comun, indova che 'l riva a la svelta al success cont i sò gameplay, soratutt de gioeugh demenziai e horror, e i sò vlog.

A 18 agn el se diploma in Informatega e Telecomunicazion e 'l fa San Michee a Milan. L'ann dopo el scomincia a scriv el sò liber, Sotto le cuffie, che l'è publegaa in del 2016. In del 2018 el publega The Cage, on romanz.

Vita privada

L'è staa fidanzaa per on quaj temp cont ona tosetta de nomm Diletta. In del 2017 el gossip online l'ha parlaa de 'n possibil flirt cont la cantanta e youtuber Giulia Penna, cont la che el s'è basaa in d'on video musical del Gabry Ponte.

Liber

Sotto le cuffie, Mondadori, ISBN 9788891802699, 2016
The Cage - Uno di noi mente, ISBN 9788891815071, 2018

Film

Game Therapy, 2015
Di4ri, 2022 (Comparsa, Ep 1)

Riferiment