Wikipedia:Sbozz/Martignon

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz de lavoràgh sora e intant donca l'è minga in l'enciclopedia. Se violter sii bon de metégh dent un quaicoss pussee, preocupeves minga e provegh. Inscì de havégh un'ideja de tucc i alter sbozz inscì, vardee chinscì.

I Martignon (Martignoni in italian) inn una fameja nobel lombarda de origin lombarda antiga, che la gh'ha havud un gran poder feudal in del Sevar per un mugg de secoi, indova che hann lassad varie gese, compagna de quella de Santa Maria Redonda a Visevar e quella de San Calimer.

In del Bass Medioev a inn tirad a man in del liber de la nobiltà de Milan de l'Oton Vescont del 1277 e in tra i secoi quei de quindes e de sedes di so member inn stad deputad a la Fabrega del Dom e, infin, la fameja la otegn el recognossiment de l'antiga nobiltà con decret del 16 de setember 1771.

Comunque, anca el Francesch Sforza l'haveva dad foeura una letera patenta, in del 1452, al Francesch e al Jacom.

Blason[modifica 'l sorgent]

Castell de ross a do torr in di fianch merlad a la ghibellina in su or.

Bibliografia[modifica 'l sorgent]

Giovan Battista di Crollalanza, Dizionario storico blasonico delle famiglie nobili o notabili italiane estinte e fiorenti, vol.2, A.Forni, 1886, SBN IT\ICCU\RAV\0179678.