Wikipedia:Parlum un poo de nün/macc 2009

Al lumbard (anca Lombard, Lombart, Lumbart) (codiz ISO 639-3 lmo) l' è una lengua che la fa part d'la famiglia Galo-italica (o püssè precisament Galo-Rumanza-Cisalpena), 'na familia che la furma un sistema linguistich divers sia dal Itaglian che dal Reto-Rumaanz. La lengua lumbarda l'è parlaa principalment in dala Svízzera dal süt (Tisin e i Grisun), Italia dal nort (buna part dala Lumbardia e una quei area di regiun cunfinant, suratüt a est dal Piemont), ma ancasí in t'un pari ad paisen d'la Sicilia (dialett Galo-Sicilian). Anca se ul talian l è in genër druvaa cumë lengua scrita in di arei induë che së parla lumbaart, ul lumbaart l è mia mütualmeent cumprensibil cul talian e sti dó lenguv i fan part dë dü ram diferent dala pianta dala fameia linguistica rumanza.

Al lumbaard l'è stat censii da l'UNESCO cume lengua in pericul d'estinzion e 'd cunseguenza cume lengua da tutelà. I so dü variant principal j'henn quela ucidentala (o insübrica) e quela urientala, dü variant chi gh'han un bel poo ad diferenz, e a gh'è di linguista che ja cunsideran dü lenguv separaa. U Stato italian el ricunuss no i parlant de la lengua lumbarda 'me minuransa linguistica. (inanz)