Wikipedia:Introduzion
Benvenüü navigadur! t'è rivaa ins la version lumbarda de Wikipedia, l'enciclupedia libera induè che i letur j'hinn anca j'autur.
Tüt i pören culaburà cun la Wikipedia, tranda in pee 'na vus növa o meliuranda i cuntenüü di vus che gh'hinn giamò. Per fa insì che el pruget el vaga inanz ben che bisogn de tanta culaburazion, cumpresa la tua. Tüt quej ch'i vören cuntribüì al pruget, rispetanda i so regul e druvanda un po' de bon sens, l'è semper ben acetaa.
Tegnüü cünt che la Wikipedia l'è fata sü cun el laurà liber e a gratis de tüt i wikipidista, cumpres i ütent anonim, Wikipedia la pör no dà di garanzii ins la validità del so cuntenüü. Anca se la cumunità la fa modo de vess atenta, l'è semper pussibil che una pagina la pö vess vandalizaa o mudificaa in manera sbaliaa, anca se in bona fed, cun infurmazion ch'i van mia ben, o che j'hinn contra la leg, o contra al sistema de la cumunità o del sit induè che te stee.
Ricerca
[modifica 'l sorgent]El buton de ricerca che l'è int el menü a la manzina del to schermu l'è la prima funzion de Wikipedia. Tegn cünt che la nosa funzion de ricerca, al cuntrari di mutur de ricerca tant 'me el google, la fa diferenza fra i majuscul e i minüscul.
I püssee tanti paginn j'hinn divis in categurii. I categurii j'hinn di grüp de vus cun 'na quaj carateristega simila, presempi i cantant de müsica eletronega, i pueta lumbard, o i cumün de la Svizra, e.i.v. I categurii j'hinn urganizaa cun la strutüra de l'alber; presempi, int la categuria Scenza di urdinaduur te trueree i vari tuchet ch'n'i fan part, cume Hardware, Internet, e.i.v. I categurii j'hinn na manera diversa de analizaa j'infurmazion. Se presempi te vör cercà un scritur frances ma t'è mia sicür 'me ch'u se ciama, te pör truà el nom d'un alter scritur frances (vün che t'è sicür 'me ch'u se ciama...) e pö te pör vardà la so categuria e truà el nom del scritur che t'è dree cercà.
Fà sü di articul
[modifica 'l sorgent]
Per cumincià la to culaburazión dagh un'ugiada, prima da tüt, al jüt e anca a la pagina d'istrüzión.
Regòrdass che:
- se dev mia cargà material prutegiüü da Drecc da còpia (copyright)
- tücc i articuj i gh'hann da vess scrivüü in lumbard druvanda l'urtugrafía insübrica ünificada, upura l'urtugrafia del Dücat, o anca vöna di urtugrafij per i parlad lucaj.
- I articuj i gh'hann de mantegn un pünt da vista neutral.
Per firmà i tò intervent int i paginn da discüssión dupera la sequenza da quatar carater ~~~~