Wikipedia:Ciama minga l'avocat
|
Quest articol chì l'è scrivud in lombard, con la Noeuva Ortografia Lombarda |
Ciama minga l'avocat per i robe che capiten in su la Wikipedia! La comunità de la Wikipedia la pensa che menascià 'n azzion legal per quell che 'l gh'è in su l'Enciclopedia a l'è una violazzion di so pilaster e del so spirit de consens e de collaborazzion, donca a l'è una roba che l'è minga acetada.
A bon cunt, te gh'heet tut el dirit de fà o menascià una causa contra un wikipedista (ma no contra la Wikipedia deperlee, che la gh'ha mìnga personalità giuridega), ma i utenze che 'l fann sarann blocade e, in del cas, sarann scuride e protesgiude i pagine a ris'c.
I mecanism de la Wikipedia per fà respetà i to dirit[modifica 'l sorgent]
La Wikipedia la gh'ha di mecanism che permeten de fà respetà i to dirit. Per esempi:
- A gh'è un'informazzion falsa in su de mi in de 'n articol
- Se l'informazzion la gh'ha minga una font, te podet cavàlla senza problema. Se la gh'è, te podet meter una noeuva font che 'l mostra che l'è una roba minga vera. Te consiliom comunque de scriver semper in l'argoment de la modifega o anca in la ciciarada quell che te seet dree a fà.
- Un articol el dis che son stad condanad, ma poeu son stad assolt
- Te podet sgiontà l'assoluzzion cont una font in l'articol
- Un articol el gh'ha dent di informazzion giuste in su de mi ma che inn mostrade in manera minga neutrala
- Scriv in su la pagina de discussion inscì de rivà al consens in su 'na forma pussee bona
- Un quajvun el continua a cavà l'informazzion giusta
- Parla cont un ministrador e con l'utent che la cava, se l'è registrad
- A gh'è scrivude di robe defamatorie in su de mi!
- A l'è politega de la Wikipedia scancellà i informazzion defamatorie apena che 'l se sa che gh'è. Scriv in del Grott con pussee detai che te podet
- Un utent el m'ha ingiuriad in su la Wikipedia! Ghe foo causa!
- A l'è un to dirit. A tutella del proget, però, la toa utenza la podaria vesser limitada
- Hoo fad causa a 'n wikipedista foeura de l'enciclopedia. Podi scriver ancamò?
- Sì, con che la causa la faga minga dagn in su la Wikipedia. In del cas, i utenze poden vesser limitade
Cossa el capita se...[modifica 'l sorgent]
Se un quajvun el fa una menascia legal, el manda una difida o el fa una causa per di robe che gh'è in su la Wikipedia, el sarà blocad per semper. Se 'l renonzia a la causa legal, el sarà desblocad, anca se 'l podaria restà blocad per un poo, in bas ai politeghe rilevante, se l'ha violad di alter regole de l'enciclopedia.
Se una pagina a l'è oget de una controversia la podaria vesser blocada o scurida di admin, se se pensa che l'è la roba pussee bona de fà.