W la Fisica

Quest articol chì l'è scrivuu in lombard, grafia milanesa.

W la Fisica
Guida	Mattia Butta

Stat	Italia
Fondazion	20 de agost 2013

Ideolojia	Razionalism
Collocazion	Trasversalism

Sit ofiçal	https://www.butta.org
$fine
This box: view • talk • edit

W la Fisica a l'è staa on partii politegh di italian a l'ester fondaa de l'ingegnee Mattia Butta e che 'l voreva ona reppresentazion de la scienza e de la logica in la politega italiana.

Storia

Un ciclo d'isteresi, che 'l gh'è in del simbol del partii

El moviment el nass offizialment el 20 de agost per volontà del Mattia Butta, ingegnee elettrich e professor sociaa a l'Università Tecnica Ceca de Praga dopo di elezion politegh italian del 2013 cont l'obietiv de reppresentà el pensee scientifich e razionalista in di istituzion cont i scagn reservaa ai italian a l'ester, che hinn no soggett al sbarrament normal ne al premi de maggioranza.

El 17 de dicember 2017 el nonzia de presentàss in di elezion del 2018 e poeu el Partii el presenta el sò simbol e 'l fa anca on poo de scalpor, ma el riva nò ai 500 firm per presentà la lista. L'è staa definii el partii di "cervej in fuga" di media. El se desliga, in pratega, pocch dopo.

Simbol

El simbol del partii a l'è on sercc con scritt, in stil manual, "W la Fisica", el grafich de 'n ciclo de isteresi magnetica e sotta el sitt "butta.org".

Ideologia

El partii l'è per analizzà i question politich con razionalità e logica, anca quej ligaa a l'etica 'me l'abort e la cittadinanza ai minor forestee, impropriament ciamada in la politega italiana ius soli.

L'è contrari al vend e al prescriv de l'omeopatia e a favor di OGM, de la sperimentazion animala e de mett el riatt de istigazion a vaccinàss no. L'insubiss de volzà i or de scienza, intesa soratutt 'me coltura e metod, a scoeula e in la TV publega e de fà ricerca in sui energij renoeuvabij.

El contesta l'atteggiament vers la scienza di partii, anca de quej partii che se proclamen per la scienza e ospiten di esponent a favor di pratich pseudoscientifich. L'è favorii on modell de integrazion di immigraa a nivell coltural e social, contrari a la ghettizzazion e a l'immigrazion massiva.

Riferiment