Volodymyr Zelens'kyj
|
Quest articol chì l'è scrivud in lombard, con la Noeuva Ortografia Lombarda |
| Volodymyr Zelens'kyj | |
|---|---|
 | |
 | |
| In carica | |
| Prencepe del mandad | 20 de masg 2019 |
| Prim minister | Volodymyr Grojsman |
| Predecessor | Petro Oleksijovyč Porošenko |
| Informazion jenerale | |
| Partid politeg | Servitor del Popol |
| Titol de studi | Laurea in giurisprudenza |
| Universitaa | Università Nazzional Economega de Kyiv |
| Profession | Ator e scenegiator |
| Firma | 
|
El Volodymyr Zelens'kyj (Володимир Олександрович Зеленський in ucrain, trasliterad Volodymyr Oleksandrovyč Zelens'kyj, ofizzialment Zelenskyy; Kryvyj Rih, 25 de sginer 1978) a l'è un politegh, ator e scenegiator ucrain, del 20 de masg 2019 President de l'Ucraina.
Biografia[Modifega | modifica 'l sorgent]
Nassud in d'una familia de lengua russa de origin sgiudea, el se laurea in giurisprudenza a l'Università Economega de Kyiv, e poeu el s'è dad a la television, cont el fondà de Kvartal 95, casa de produzzion comega. In del 2015 fann Servitor del Popol, serie TV indova che un professor de licee, interpretad de lu, el deventa President del Pajes e in del marz 2018 vari dependent del studi fann su un partid cont el midem nom.
In di elezzion del 2019 el se candida contra el president che 'l vegn foeura Petro Porošenko e contra la Julia Timošenko, e fina di prim sondagg el someja prim, soratut grazzia ai so posizzion contra la corruzzion: el vinc donca al segond turn contra el Porošenko. El se definiss populista, contra la corruzzion, centrista e anti-estabilishment.
Subet dopo, in conformità con la lesg ucraina, l'ha desligad la Rada Suprema e in di elezzion noeuve el sò partid l'ha ciapad una magioranza assoluda. 'Me president l'ha pontad a la digitalizazzion del Pajes, a fà andà ben insema i part russofone e ucrainofone del Pajes - anca cont una pas con la Russia - e al doperà mej i mez de comunicazzion de massa.
In la soa presidenza el gh'ha havud de afrontà la pandemia de COVID-19, con la crisi economega che l'è vegnuda dopo, e l'invasion russa de l'Ucraina del 2022. I so critegh ghe recognossen un gran lavorà contra la corruzzion e i oligarca, ma gh'hann la tema che i so azzion de lota habien acentrad el poder in su de lu.
Televisiòn[Modifega | modifica 'l sorgent]
- Sluha Narodu (Servitor del popol, 2015)
- Tantsi z zirkamy (Ballà cont i stelle, 2016)
Filmografia parzial[Modifega | modifica 'l sorgent]
- Ljubov’ v bol’šom gorode (Amor in la gran cità, 2009)
- Ljubov’ v bol’šom gorode 2 (Amor in la gran cità 2, 2010)
- Služebnyj roman. Naše vremja (Romanciticm in ofizzi al dì d'incoeu, 2011)
- Rževskij protiv Napoleona (Rževskij contra Napoleon, 2012)
- 8 pervych svidanij (Vot prim apontament, 2012)
- Ljubov’ v bol’šom gorode 3 (Amor in la gran cità 3, 2013)
- 8 novych svidanij (Vot noeuv apontament , 2015)
Riferiment[Modifega | modifica 'l sorgent]
Alter proget[Modifega | modifica 'l sorgent]
Eror Lua an package.lua a la linia 80: module 'Modulo:Linguaggi' not found.