Vitalij Skakun
|
Quest articol chì l'è scrivud in lombard, con la Noeuva Ortografia Lombarda |
El Vitalij Skakun (in ucrain Віталій Володимирович Скакун; Berežany, 19 de avost 1996 - Heniches’k, 24 de fevrer 2022) a l'è stad un soldad ucrain, member del geni militar de la Marina.
Diplomad 'me saldoeur, el se laurea poeu al Politecnegh de Leopoli. A l'è mandad in la zona de Cherson in l'invasion russa de l'Ucraina e per provà a rallentà l'avanzà de l'armada russa i ucrain hann scernid de fà soltà per ari un pont, e lu 'l s'è fad volontari per minàll.
Però, poeu, a gh'era minga temp per andà via e donca, dopo havéll dit via messagg ai camarada, l'ha fad s'ciopà el pont con lu sora. El so sacrifizzi l'ha permetud al batalion de ragrupàss per combater i russ, che inn stad rallentad del borlà del pont.
El 26 de fevrer el president Volodymyr Zelens'kyj ghe da el titol postum de Eroe de l'Ucraina.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Vitalij Skakun
