Via Porticata
|
Quest articol chì l'è scrivud in lombard, con la Noeuva Ortografia Lombarda |
La Via Porticata a l'era una strada monumentala de Mediolanum che la scominciava foeura di mure romane, a tacà la Porta Romana a 'n arch de trionf ses'cent meter inanz in direzzion Piasenza.
L'è stada fada su in tra el 381 e 'l 382 del Flavi Grazzian, inscì de dàgh a quej che rivaven de Sud 'na recojenza degna de la noeuva capital de l'Imperi roman d'Ocident, e intorna a gh'era boteghe e negozzi, anca se la gh'era sgiamò, in forma pussee piscinina, ai tempi del Giuli Ceser. L'arch a l'è stad destrugad quand che el Barbarossa l'ha trad sgiò Milan, ma ne resten de compagn in la banda romana, per esempi a Salonich o a Leptis Magna, menter i portegh eren stad sgiamò bordegad e sachegiad di varie razzie di barbar.
Incoeu ne resten quater colone, che inn guarnade in la cort de la Gesa de San Nazar.