Versatile Multilayer Disc
|
Quest articol chì l'è scrivud in lombard, con la Noeuva Ortografia Lombarda |
El Versatile Multilayer Disc a l'è stad un formad de disch a volta velocità lensgiud cont un laser ross tant 'me un DVD. Desvilupad de New Medium Enterprises, el doperava pussee de nivei in manera de podé havégh dent pussee de dacc, e 'l voleva competer cont i noeuv Blu-ray e HD DVD grazzia a 'n prezzi pussee bass, dad de la possibilità de doperà i midem impiant che se doperaven per fà i DVD con poche de modifeghe e la possibilità de lensgei cont un letor DVD cont un firmware modifegad.
Ispirad in part al chines Enhanced Versatile Disc, el gh'ha no havud inscì tant de sucess e con la crisi finanziaria del 2008 la società l'ha deciarad falliment e l'è stad pu tirad inanz.