Vadim Šišimarin
|
Quest articol chì l'è scrivud in lombard, con la Noeuva Ortografia Lombarda |
El Vadim Šišimarin (Ust'-Ilimsk, 17 de otover 2000) a l'è un soldad russ, el prim condanad per crimen de guerra in l'Invasion russa de l'Ucraina.
Member de l'Armada russa, el 28 de fevrer l'ha sbarad a 'n om ucrain de 62 agn in bicicleta, a so dì inscì che 'l fuss no bon de dì in sgir la soa posizzion e 'l se saria consegnad el dì dopo. El 4 de masg el Servizzi de Sigurezza de l'Ucraina el dà foeura una confession in video indova che l'amet de havé fad 'sti robe chi e 'l 18 del mes la procuradora general ucraina Iryna Venediktova la derva un cas contra de lu, oltra che nonzià che la farà di cas contra alter 41 soldad acusad de crimen de guerra.
El se deciara colpevol denanz a la mier del mazzad, che la dis de vesser despiasuda per lu, ma che 'l resta un criminal e che 'l gh'ha de vesser condanad, anca se ghe andaria ben se 'l fuss scambiad cont i ciapad a Mariupol'. L'è condanad a l'ergastol el 23 de masg, ma el 29 de sgiugn in apell la pena l'è sbassada a 15 agn.