Ubuntu
|
Quest articol chì l'è scrivud in lombard, con la Noeuva Ortografia Lombarda |
|
«Ubuntu: Linux per i vesser uman»
|
Ubuntu a l'è una distro Linux fondada in su Debian disponibel in version desktop, server e Internet di Robe, assee popolar anca 'me sistema in del cloud.
A l'è relassad ogni ses mes, e ogni du agn, in l'avril di agn pari, la vegn foeura la Long Term Support, version che la gh'ha el suport per 5 agn, e desvilupad de Canonical, azienda inglesa fondada del Mark Shuttleworth.
A l'è disponibel in varie edizzion, ciamad gust, con vari ambient desktop: Ubuntu de default el gh'ha GNOME, ma gh'è Lubuntu con LXQt, Xubuntu con Xfce, Kubuntu con KDE Plasma, Ubuntu MATE con MATE e Ubuntu Budgie con Budgie. A gh'è anca di edizzion specifeghe per di esigenze, compagn de Ubuntu Studio per la produzzion di media e Ubuntu Kylin per el mercad chines, e di gust che inn sostegnud de la comunità, compagn de vun con Cinnamon, vun con Deepin e vun con Unity, che l'è stad a longh l'ambient de default de Ubuntu.
El nom el vegn de 'na filosofia tipega del popol Nguni, che la voeur dì circa "mi son perchè sem tucc"
Vos corelade[Modifega | modifica 'l sorgent]
Alter proget[Modifega | modifica 'l sorgent]
Wikibooks el gh'ha dent test o manuai in su Ubuntu
Wikinotizie el gh'ha dent notizzie in su Ubuntu
Wikimedia Commons el gh'ha dent imagin o alter archivi su Ubuntu
