Tram ATM 4600-4700

Quest articol chì l'è scrivuu in lombard, grafia milanesa.

Tram ATM 4600-4700
Tram
Tram in via Procaccini
Agn de costruzion	1955-1960
Agn de esercizi	1955-
Quantitaa produxida	33
Costruidor	Stanga e Breda
Lungeza	19 580 mm
Largeza	2 400 mm
Alteza	3 712 mm
Capacitaa	36 settaa, 139 in pee
Quota del pian del pestar	880 mm
Scartament	1 445 mm
Interperno	6 300 mm
Pass di carrei	1 800 mm
Massa in servizi	37,9 t
Massa a vœd	26,5 t
Diameter rœde motrix	680 mm
Velocitaa massema omologada	50 km/h
Alimentazion	De linia aerea, 550 V
Tipolojia de motor	TIBB GLM 0300

I Tram ATM 4600-4700 a hinn 'na serie de tram de la ATM de Milan doperaa in su la red cittadina dal 1955.

Storia

I 4600 a hinn staa progettaa 'me version articolada del tram ATM 5300, e l'è staa ordinaa in 15 esemplar a la Stanga, cont l'elettrificazion fada de la TIBB. 13 vettur a hinn staa consegnaa in del 1955, i alter dò l'ann dopo, cont el passagg de elettrich-pneumatich a intregament elettrich.

I bon resultaa han menaa la ATM a crompànn alter 18 intregament elettrich, faa de la Breda e consegnaa in del 1960.

Caratteristich

A hinn di tram articolaa, a dò cass e monodirezionai.

Ispiraa ai tram ATAC 7000, semper de la Stanga, i gh'ha i dò carèj di estremità 'me motor, e 'l carrell in mezz 'me giostra Urbinati per tegnì l'articolazion.

Livrea

'Sti tram a hinn entraa in servizzi cont la livrea verda bitonal, obbligatoria in quei agn.

In di agn 1970 a hinn coloraa cont el naranz ministerial, e l'è giontada ona banda negra, cavada poeu in del 1990.

Dal 2010 a hinn coloraa de Giald Milan, color ciappaa di classich tram ATM 1500.

Tram in livrea original
Tram in livrea naranz primitiva
Tram in livrea naranz senza banda
Tram in livrea Gialda Milan

Bibliografia

Giovanni Cornolò, Tram e tramvie a Milano, Milano, Azienda Trasporti Municipali, 1987.