Tillandsia

De Wikipedia

Chest artícol a l'è scricc in Lumbàrt, ortograféa orientàl unificàda.


Tillandsia
Tillandsia flabellata
Tillandsia flabellata
Classifigazion sientífiga
Regn: Plantae
Division: Magnoliophyta
Clas: Liliopsida
Ùrden: Poales
Famìa: Bromeliaceae
Sota-famìa: Tillandsioideae
Zèner: Tillandsia
L.
Tillandsia schiedeana

Tillandsia l'è 'n zèner de piànte quàze töte epìfite che g'ha de piö de 650 spéci acetàde,[1]. El fà part de la famìa botànica de le Bromeliaceae (de la quàl fa part apò a l'ànanas). Le piànte de chèsto zèner le crès en ambièncc bèi diversificàcc, dei dezèrcc enfìna a bósch e mucc de l'America centràla e meridiunàla, ma apò a 'n Mèsico e endela part meridiunàla dei Stati Ünicc.

Perlopiö le piànte de chèsto zèner le crès tacàde vià per la raìs a le ótre piànte. Le raìs le che ócór apéna per sostègn, l'àiva e i nütrimèncc i a ciàpa de l'ària, per mès de la fùrma e de la strütüra partìcolar de le fòie.


Descrisiù[Modifega | modifica 'l sorgent]

La piö part de le spéci de Tillandsia i è epìfite, che öl dì che en natüra le crès tacàde vià a dele ótre piànte, sènsa però éser dei parasìcc perchè le ròba mìa i nütrimèncc a la piànta che le i a òspita. Gh'è però a 'na quach spéce litòfita (che crès sura i balòcc, i tècc, o i fìi de la corènte, ecc.). Póche le crès diretamènte endèl teré, 'ntra chèste gh'è la Tillandsia asneoides che la se nsömèa lichéni tacàcc vià.([2]). I mèmber de chèsto zèner i pöl vése dividìcc en piànte vérde e piànte grìze.

Tillandsia aeranthos

Tilandsie vérde[Modifega | modifica 'l sorgent]

Le spéci vérde le öl en clìma temperàt e piöùs, e le crès perlopiö a l'ómbra, tat en tèra come söi àlber endèl sóta bósch. Le varietà vérde le g'ha piö póch tricòmi de chèle grìze.

Tilandsie grize[Modifega | modifica 'l sorgent]

Al contràre, quàze töte le spéci grìze le crès en zòne quàze ömede o quàze dezèrtiche condena bùna ümidità de l'ària. Le preferés el sul, e perchèsta rizù le se pòsta de sòlet endle parcc piö àlte de le piànte e de le préde.

Le söplés al fat de mìa ìga le raìs condena fùrma de vìta töta particolàr. L'aspèt l'è gris perchè le sò fòie i è töte quarciàde zó de organèi ciamàcc tricòmi che i sarès 'na sórt dei pelacì mudificàcc.


Riferimèncc[Modifega | modifica 'l sorgent]

  1. Tillandsia en The Plant List Arqiviad qé: [1]
  2. F. Oliva Esteva. Las Bromeliaceas de Venezuela. Caracas: Armitano Editores, C. A., 1987
Wikimedia Commons
al gh'a dent roba culegada a: