Territori del Nord

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
El Territori del Nord in Australia.

El Territori del Nord (Northern Territory in ingles) a l'è vun di territori federai de l'Australia, con capitala Darwin, indova che la viv circa la metà de la popolazzion. El territori l'ocupa la part center-setentrionala del mailand de l'Australia e cont i so 1.349.129 km² a l'è la terza partizzion federala del Paes dopo di Stat de l'Australia Ocidental e del Queensland. El territori a l'è poch popolad, con circa 249.000 persone in del dicember del 2021.[1]

Storia[Modifega | modifica 'l sorgent]

El Territori del Nord spartid in du in del 1927.

L'area de quell che incoeu a l'è el Territori del Nord l'è stada abitada di indigen de miara de agn, de circa 48.400 a 68.700 agn indree. I europee hann vedud la costa del territori per la prima voeulta in del secol XVII, poeu i ingles inn stad bon de fondà Darwin in del 1869. El Territori del Nord a l'era part del Noeuv Galles del Sud del 1825 al 1863, foeura che per un curt temp del febrar al dicember del 1846, quand che l'era part de l'Australia Setentrionala. Poeu el territori l'ha fad part de l'Australia Meridional del 1863 al 1911, quand che el 1 de sgenar a l'è stad spartid del Stat. In tra el 1927 e el 1931 el Territori del Nord el vegn spartid in North Australia e Central Australia al parallel sud 20.

Geografia[Modifega | modifica 'l sorgent]

El Territori del Nord el confina con l'Australia Ocidental a ovest (meridian est 129), con l'Australia Meridional a sud (parallel sud 29), e cont el Queensland a est (meridian est 138). A nord, el territori el gh'ha el Mar de Timor, el Mar d'Arafura e el Golf de Carpentaria.

La pupart de la popolazzion la viv in sui coste, i olter center pussee popolos dopo de la capitala a inn Palmerston e Alice Springs.

Note[Modifega | modifica 'l sorgent]

  1. National, state and territory population – December 2021. Australian Bureau of Statistics (28 June 2022). Recuveraa el 1 July 2022.

Alter proget[Modifega | modifica 'l sorgent]