Teodolinda
|
|
Chest artícol a l'è scricc in Lumbàrt, ortograféa orientàl unificàda. |
.jpg)
Teodolinda o Teodelinda,(570 - 22 de zenér del 627[1]) l'è stàda regina dei Longobarcc e regina d'Italia del 589 al 616.
L'ìa fiöla del dùca Garibaldo I de Baviera capostìrpa dei Agilolfingi e de Valdràda fiöla de Waccho, rè dei Longobàrcc del 510 al 540.
Teodolìnda la g'ha spuzàt endèl 589 Autari, rè dei Longobàrcc, fiöl del rè Clefi. Quan che Autari l'è mort, endèl 590 a Teodelinda gh'è stat pirmitìt de spuzàs amò 'na ólta e gh'è stat catàt fò Agilulfo (591)) che isé l'è deentàt el sücesùr de Autari.
La g'ha ìt 'na part importànta endèl difónder la religiù cristiàna fedél al papa, e contràst co la dutrìna Ariàna. Dòpo la conversiù de Agilulfo a la féde Catòlica, Teodolinda la g'ha s'è ambiàda dré a fà fà sö céze Lombardìa e Toscàna, compàgn de la Catedral de Monza e 'l prim Batistér de Firènse, töcc du dedicàcc a San Gioàn Batésta.
La sò figüra l'è ligàda apò a 'l tezór de Monza, del qual fà part en particolàr la Curùna de fer, fàda sö segónt la tradisiù, conden ciót de la crus del Signùr, e deentàdda de alùra giü dei sìmboi piö 'mportàncc de la regalità italiàna.
Riferimèncc[Modifega | modifica 'l sorgent]
- ↑ Martina Hartmann, Die Königin im frühen Mittelalter, Kohlhammer, Stuttgart 2009, ISBN 978-3-17-018473-2, S. 215