Spàdes

De Wikipedia
Salta a la navigazzion Và a cercà

Insigne Langobardiae.svg

Chest artícol a l'è scricc in Lumbàrt, ortograféa orientàl unificàda.


Schéma de 'na 'nfiurescènsa a spàdes

Endèla terminulugìa botànica, el spàdes l'è 'na sórt de 'nfiurescènsa particolàr furmàda de 'na spìga con entùren 'na bràtea bèla grànda ciamàda spàta. L'è la 'nfiurescènda caraterìstica de la famìa de le Araceae e de le Arecaceae (le pàlme). La pöl ensomeàsen a 'n fiùr sul, bèl decoratìf, e per chèsta rizù l'è dopràda come ornamentàl (per ezèmpe: Arum, Anthurium,...).

Endèle spéce del zèner Arum, la spìga l'è furmàda de 'n as carnùs piötòst spès, a fùrma de pilàster, söl quàl i è fisàcc dei fiùr picinì picinì e specializàcc: fiùr fèmina con apéna l'ovàre a la bàze, e pò dei fiùr mascc co apéna i stam endèla part ensìma, e 'n öltema dei fiùr stérii.

En sèrte zèner de le Araceae, la spìga la pöl rià a ìga sö de piö de 2000 fiùr.