Sodoma e Gomorra

Quest articol chì l'è scrivud in lombard, con la Noeuva Ortografia Lombarda

Quader de Sodoma che la brusa

	«O moda infama e porca, che in d'on bott L'ha somenaa, l'ha spantegaa la pest Per tutt Milan del vizi disonest Ch'el tirè i fiamm su la zittaa de Lott!»
	(F. Pertusaa, Dòdes sonitt d'on meneghin del credo vecc sulla moda del vestiss di donn)

Sodoma e Gomorra a inn do cità che in del cunt de la Genesi inn stade destrugade de Yahweh perchè quei che ghe viveven pecaven un frach e eren pien de vizzi. El Signor el voleva mandà sgiò di preje de foeugh, ma l'Abram gh'ha did de fàll no e de sparmì la cità se se trovaven des giust, Yahweh donca el manda i sò angel, ma la popolazzion la voeul violentài, donca lor ghe ordena al Lot e a la soa familia de andà via, e 'l Signor el manda sgiò foeugh e solfer per meter fin a 'sti cità piene de pecad.

Inn stade tirade poeu inanz, sia in la Tanakh che in del Noeuv Testament, 'me esempi de vizzi e de castigh per el pecad: desgià che in tra i vari azzion che se faseven a Sodoma gh'era el sess anal, la parolla sodomia l'è deventada un sinomin religios de quella pratega li e, in general, de ogni forma de sessualità retegnuda contra la natura.

Anca el Coran el parla, anca se minga diretament, de la cità de Sodoma, in del cuntà de la vita de Lot.

El se sa minga se Sodoma e Gomorra inn di cità che gh'è stade debon o inn domà mitologeghe: gh'è di archeolegh che pensen de havé trovad di rest che poden representà di cità che gh'hann havud un gran cataclisma del spazzi in di bande de la Giudea.

Alter proget

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Sodoma e Gomorra
• Wikimedia Commons el gh'ha dent imagin o alter archivi su Sodoma e Gomorra