Và al contegnud

Sherry Turkle

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
La Turkle

La Sherry Turkle (New York, 18 de sgiugn 1948) a l'è una sociolega, psicolega e tecnolega statunitensa, cognossuda soratut per i so lavorà in su la relazzion in tra om e tecnologia. Desgià che 'l studia 'sto argoment chi di agn '70, i so studi inn vist propi con interess, vist che repercorren sia el desvilup de la tecnologia sia el desvilup del penser di sociolegh a revard.

L'ha tacad i so studi in di agn '70 a l'Università de Harvard, in del 1999 la deventa professora al MIT de studi sociai de l'informatega e incoeu l'è resgidora del grup de studi MIT Initiative on Technology and Self, fondad de lee in del 2001, indova che la studia soratut l'evoluzzion di fiolin e del so raport con l'informatega.

Cognossuda al principi 'me studiosa assee otimistega in sui potenzialità de la red, al dì d'incoeu la sostegn inveci che la sgent la deveria parlà pussee de persona e doperà i red sociai men e in manera pussee responsabel, anca se la resta convinta che, 'na voeulta passad i problema, restarann un gran strument a sostegn de l'umanità. Di alter studi che l'ha fad revarden el doperà di Multi-User Domains in d'un contest terapeutegh e i efet di computer e di simulazzion in la ment, che menarien l'om a sbassà la diferenza in tra realtà e finzion, ma anca a sperimentà pussee in sul so mi.

Ligam de foeura[Modifega | modifica 'l sorgent]

Alter proget[Modifega | modifica 'l sorgent]